Ֆրանսիան հասկացրեց, որ չի պատրաստվում կողքից նայել. Politico
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Ինչպե՞ս և ե՞րբ կավարտվի իրանաիսրայելյան պատերազմը և այն ինչ ազդեցություն կարող է թողնել Հայաստանի վրա
Փոքրամասնության «իշխանությունը» հերթական քայլն է անում՝ ընդդեմ քաղաքացիների
Ինչպես է Երևանի քաղաքապետարանը ծածկադմփոցի անում Արին Բերդի փողոցի ասֆալտապատումը (տեսանյութ)
Կասեցվել է անհայտ ծագման կենդանիների մուտքը Հայաստան. ՍԱՏՄ
Տիգրա՛ն Ավինյան, քեռին եկավ մեր բակը. խայտառակ վիճակ (տեսանյութ)
Panorama.am-ը նշում է, որ միջազգային մամուլն ակտիվորեն լուսաբանել է Հայաստանին զինելու մասին ֆրանսիական կողմի հայտարարությունները։ Մասնավորապես, Politico-ն հիշեցնում է Ֆրանսիայի կառավարության հայտարարությունը՝ Հայաստանին հակաօդային պաշտպանության սպառազինություն վաճառելու մասին, ինչպես նաև հիմնավորումը, «քանի որ մեծանում են մտավախությունները, որ Ադրբեջանն անցած ամիս Լեռնային Ղարաբաղը գրավելուց հետո կարող է հարձակվել հարևան Հայաստանի վրա»։
Աղբյուրը գրում է՝ Ֆրանսիայի հայտարարությունը հնչեց Լեռնային Ղարաբաղում Ադրբեջանի հաղթանակը հռչակելուց ընդամենը մեկ ամիս հետո, ինչը ստիպեց Լեռնային Ղարաբաղում ապրող ավելի քան 100. 000 էթնիկ հայերի լքել իրենց տները։
ԱՄՆ պետքարտուղար Էնթոնի Բլինքենը մտահոգությունէ հայտնել, որ Ադրբեջանի տարածաշրջանային հավակնություններն այդքանով հնարավոր է չվերջանան, և բոլոր հայացքներն այժմ ուղղված են Զանգեզուրի միջանցքին՝ ցամաքային հատվածին, որն անցնում է Հայաստանի և Իրանի սահմանի երկայնքով:
Վտանգն այն է, որ Բաքվի զինված ուժերի մի քայլը կարող է ավելի մեծ հակամարտություն բորբոքել Հարավային Կովկասում, որտեղ Թուրքիան, Ռուսաստանը և Իրանն ունեն ռազմավարական շահեր:
«Ֆրանսիան՝ Եվրոպայի ամենամեծ սփյուռքահայ համայնքն ունեցող երկիրը, հասկացրեց, որ չի պատրաստվում նստել ու կողքից նայել»,-գրում է Politico-ն ու մեջբերում Ֆրանսիայի պաշտպանության նախարարի հայտարարությունները. «Նույնիսկ եթե մենք միևնույն ռազմական ու քաղաքական դաշինքներում չենք, մենք ենթադրում ենք, որ պաշտպանական համագործակցությունը հիմնված է պարզ սկզբունքների վրա, դու պետք է կարողանաս պաշտպանել քեզ ու քո քաղաքացիական բնակչությանը»։
Աղբյուրը գրում է, որ Արևմուտքի կողմից Հայաստանին ցուցաբերվող քաղաքական աջակցությունն աճում է այն ժամանակ, երբ Հայաստանն աշխատում է իրեն Ռուսաստանից հեռու պահել։
Հավելենք, որ միջազգային մամուլում շրջանառվող տեղեկությունների համաձայն, խոսքն ընդամենը... ՀՕՊ ռադարների մասին է: Կարող է կրկնվել Սու-30 ՄՄ-ների պատմությունը, երբ փորձության պահին պաշտոնապես հայտարարվեց, որ դրանք... հրթիռներ չեն ունեցել: Հարց է ծագում. ի՞նչ խնդիր են լուծելու ֆրանսիական թեկուզ ամենաժամանակակից ռադարները, եթե համապատասխան հրթիռային համակարգերի հետ չեն լինելու:
Հետևեք մեզ Facebook-ում