Իրանը համաձայն չէ Ադրբեջանի կողմից շրջանառվող «Զանգեզուրի միջանցք»-ի հետ (տեսանյութ)
Հայաստանը շատ կարևոր նշանակություն ունի Իրանի համար: Ինչպես հաղորդում է Yerevan.today-ը, այս մասին լրագրողների հետ զրույցում ասաց Իրանի ճանապարհների և քաղաքաշինության նախարար Մեհրդատ Բազրփաշը։
«Հայաստանը կարող է շատ առանցքային դերակատարություն ունենալ Հյուսիս-հարավ միջանցքի շրջանակներում», - նշեց նա։
Պաշտոնյայի խոսքով՝ Իրանը համաձայն չէ Ադրբեջանի կողմից շրջանառվող «Զանգեզուրի միջանցք»-ի հետ։
«Մենք բազմիցս նշել ենք, որ համաձայն չենք Զանգեզուրի միջանցքի հետ եւ Ադրբեջանի տարբեր պաշտոնյաների հետ հանդիպումներում այդ մասին ասել ենք, որ դեմ ենք դրան: Մեր քաղաքականությունը հիմնվում է Կովկասում խաղաղության վրա եւ մենք դատապարտում ենք ցանկացած տեսակի արտաքին միջամտություն: Մենք գտնում ենք, որ տարածաշրջանի երկրներն իրենք կկարողանան լավագույն որոշումները կայացնել», - ընդգծեց Բազրփաշը։
Հետևեք մեզ Facebook-ում