Քաղբանտարկյալ Լևոն Քոչարյանի կալանքը փաշինյանական դատարանը երկու ամսով երկարաձգեց

«Լևոն Քոչարյանի կալանավորման ժամկետի երկարացման միջնորդությունը բավարարվեց: Լևոն Քոչարյանը կալանավորվեց 2 ամսով»,-գրել է նրա փաստաբան Ալեքսանդր  Կոչուբաևն իր ֆեյսբուքյան էջում 
Ավելի վաղ նա հայտնել էր, որ քննիչն ու դատախաղազը Լևոն Քոչարյանի կալանքը ևս 2 ամսով երկարաձգելու միջնորդություն են ներկայացրել։
«Միջնորդության ներկայացման ընթացքում Դատախազը պնդեց, որ որևէ փաստական տվյալ չունեն Լևոն Քոչարյանի ոչ պատշաճ վարքագծի վերաբերյալ, բայց նա պետք է մնա կալանավորված: Սեպտեմբերի 27-ից մինչև հոկտեմբերի 11-ը վարութային գործողություն չանելու մասով, որևէ դիրքորոշում չունի, բայց պնդում է, որ պետք է Լևոն Քոչարյանը մնա կալանավորված»,-գրել էր փաստաբանը։
Հիշեցնենք, որ ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը փաշինյանական իշխանությունների կողմից թիրախավորված քաղաքական հետապնդման է ենթարկվում: Ըստ որում, ոստիկանական ուժերն ամենայն հավանականությամբ նպատակ են ունեցել ձերբակալելու անվան տակ հնարավորինս ծանր վնասվածքներ պատճառել Լևոն Քոչարյանին, չի կարելի բացառել նաև իշխանության վերին օղակներից իջեցված սպանության հրահանգ ունենալու տարբերակը: Չէ՞ որ իշխանական աթոռների հասած փոքր ու ողորմելի անձանց քինախնդիր ճղճիմությունն անսահման է: 
Zham.am