Ռեժիսոր Օլիվեր Սթոունին մեղադրել են սեռական ոտնձգությունների մեջ

Ամերիկացի դերասանուհի Մելիսա Հիլբերթը մեղադրել է հայտնի ռեժիսոր Օլիվեր Սթոունին սեռական ոտնձգությունների մեջ: Այս մասին տեղեկացնում է «Fox News»-ը: 

53-ամյա դերասանուհին պատմել է, որ միջադեպը տեղի է ունեցել դեռ 1991 թվականին՝ «The Doors» կինոնկարի լսումների ժամանակ: Ըստ Հիլբերթի՝ երբ նա և Սթոունը գտնվում էին փակ սենյակում, տղամարդը դերասանուհուն սցենար է ներկայացրել, համաձայն որի՝ Հիլբերթը պետք է չոքած դիրքից խնդրեր «վերցնել իրեն»: Ընդ որում՝ ռեժիսորն ընդգծել էր, որ տեսարանը գրված էր հատուկ դերասանուհու համար:

«Նա հատուկ էր գրել այդ տեսարանը, որպեսզի փորձի ժամանակ մեր միջև ֆիզիկական կապ առաջանար: Ահավոր և կեղտոտ իրավիճակ էր», - հայտնեց Հիլբերթը:

Դերասանուհին ընդգծեց, որ հրաժարվեց դերից և լացելով լքեց սենյակը: Ըստ նրա՝ կինը երբեք չի պատմել դրա մասին, քանի որ վախենում էր հասարակության արձագանքից:

Zham.am