Բյուջեի թալան, դասական կոռուպցիա Հրազդանի կիրճում (տեսանյութ) Ինձ համար ոչինչ չկա զարմանալու, երբ Արցախը հանձնողը կարող է մի հիմարություն ասել Սա արդեն լուրջ մարտահրավեր է
30
Դատական նիստ Լևոն Քոչարյանի՝ կարմիր բերետավորներին իբր ծեծելու գործով Քաղաքային բյուջեից միլիարդավոր գումարների մսխումները և քաղաքային խնդիրների կուտակումները (տեսանյութ) Որրոշել են ասֆալտ փռել ու դա անել մարդկանց նյարդերի ու առողջության հաշվին (տեսանյութ) 18+․ «Ահա թե ինչու աբորտները պետք է օրինական լինեն»․ Հազարավոր հայհոյանքներ՝ Փաշինյանի գրառման տակ Երկրի ղեկավարը շարունակում է «կրթվել». անադեկվտությունն ուղղակի ծփում է, բայց պատճառներն ավելի խորն են Երևանի 3 հնավայրերը կառավարման ճգնաժամ են ապրում․ Մանուկ Սուքիասյան (տեսանյութ) Սրբավայրերի հանդեպ վարչապետի մահացու սերը. Արշակ Սրբազան Պուտինը արցախցիների միջոցով մեսիջ է ուղարկել Ալիևին. Երվանդ Բոզոյան. ուղիղ «Մայր Հայաստան» խմբակցության անդամներն ահազանգի հետքերով «Էրեբունի» թանգարանում են. ուղիղ Ավագանու «Մայր Հայաստանի» անդամները ահազանգի հետքերով «Կարմիր բլուր» հնավայրում են (տեսանյութ) Պատերազմ Արցախում
Առջևում կործանարար խորխորատն է, ուր կա «լաց և ատամների կրճտոց»․ Արշակ սրբազան Բանադրանք և նզովք․ ո՞ր տարբերակով Մայր Աթոռը կդիմի Փաշինյանին Դատական նիստ Լևոն Քոչարյանի՝ կարմիր բերետավորներին իբր ծեծելու գործով Քաղաքային բյուջեից միլիարդավոր գումարների մսխումները և քաղաքային խնդիրների կուտակումները (տեսանյութ) Որրոշել են ասֆալտ փռել ու դա անել մարդկանց նյարդերի ու առողջության հաշվին (տեսանյութ) Բյուջեի թալան, դասական կոռուպցիա Հրազդանի կիրճում (տեսանյութ) Բյուջեի թալան, դասական կոռուպցիա Հրազդանի կիրճում (տեսանյութ) Ինձ համար ոչինչ չկա զարմանալու, երբ Արցախը հանձնողը կարող է մի հիմարություն ասել Իսկ ի՞նչ կանեիր դու, եթե ստանայիր հարցման տվյալներ, որ եկեղեցու վարկանիշն ամենաբարձրն է․ Վարդանյանը՝ Փաշինյանին Նրա առաքելության անունը հայ ժողովրդի տրանսֆորմացիա է, քաոսացում, չգոյություն․ Լիլիթ Գալստյան Այնուամենայնիվ, եկեք հարց տանք. իսկ ի՞նչ ենք անում մենք Պատասխան պետք է տալ, բայց պետք է տալ այն ժամանակ ու այն ձևաչափով, որն ամենաարդյունավետն է Սա ծրագրավորված ագրեսիա է մեր ինքնության, մեր հավատքի, մեր հոգևոր հենասյան դեմ «Ու սա երկրի վարչապետ է»․ Գայանե Ասլամազյանն անդրադարձել է Փաշինյանի սկանդալային գրառմանը Փաշինյանին «հունից հանել է» մեր եկեղեցու հեղինակությունը Այդ երևույթը դեռ գահավիժելու տեղ ունի Ամեն բան արվում է գիտակցված, հստակ թիրախավորել հայկական ազգային դիմադրության առկա ու հնարավոր բոլոր օջախները․ Վարուժան Գեղամյան 18+․ «Ահա թե ինչու աբորտները պետք է օրինական լինեն»․ Հազարավոր հայհոյանքներ՝ Փաշինյանի գրառման տակ Մայր Աթոռի արձագանքը պետք է լինի համարժեք. Արամ Վարդևանյան Երկրի ղեկավարը շարունակում է «կրթվել». անադեկվտությունն ուղղակի ծփում է, բայց պատճառներն ավելի խորն են Սա արդեն լուրջ մարտահրավեր է Ադրբեջանը կրկին կրակել է Խոզնավարի տների ուղղությամբ Սրտի կանգով «Սուրբ Աստվածամայր» ԲԿ տեղափոխված 2-ամյա երեխան վերակենդանացման բաժանմունքում մահացել է «Շիշ բռնող»-ին ու Պապիկյանին մոտ 40 հարց են տվել Սասուն Միքայելյանն էլ է հայտնվել սև ցուցակում Դատական նիստերը հետաձգում են, որ վաղեմության ժամկետով Ջալալ Հարությունյանին ազատեն պատասխանատվությունից Նիկոլը մի շիշ կոնյակի հարց չի լուծում, թե բա՝ Ադրբեջանի հետ խաղաղություն. Սևակ Հակոբյան Ավինյանի մոտ նյարդային ծիկեր են․ նոր հակամարտություն է սկսվել՝ Նիկոլ-Ավինյան․ «Մայր Հայաստան» ավագանու անդամ (տեսանյութ) Ոմանք, Նիկոլին տեսնելով, սկսեցին հավատալ Հիսուսի գոյությանը, իսկ ես՝ սատանայի. Արթուր Սուքոյան Օրեր առաջ կոռուպցիա կար, իսկ հիմա՝ կոռուպցիան պարզապես «անհետացա՞վ»․ Արթուր Չախոյան

Փաշինյանի իշխանությունն ու Հայաստանն անհամատեղելի են. Անդրանիկ Թևանյան

«Մայր Հայաստան» դաշինքի ղեկավար Անդրանիկ Թևանյանը բավականին ընդարձակ գրառմամբ, իր ֆեյսբուքյան էջում անդրադարձել է ինչպես վերջին զարգացումներին, Ազգային կոմիտեի հետ կապված դիտողություններին, այնպես էլ՝ ընթացիկ վիճակին ու առաջիկա հնարավոր անելիքներին. «Մեր պետության առաքելությունն ու գոյության իմաստն ամրագրված է ՀՀ անկախության հռչակագրում։
Անկախ Հայաստանը, որը Ղարաբաղյան շարժման ծնունդ է, իր վրա վերցրել էր հետևյալ հիմնական հանձնառությունները՝
- Ժամանակակից պետության կառուցում (ժողովրդավարություն, մարդու իրավունքների պաշտպանություն, սոցիալական արդարություն, ինքնիշխանության ապահովում),
- Արցախահայության իրավունքների, այդ թվում՝ ինքնորոշման իրավունքի և անվտանգության երաշխավորություն,
- Հայոց ցեղասպանության միջազգային ճանաչում։
88-ի շարժման արդյունքում մենք ստացանք անկախություն, հաղթեցինք Ղարաբաղյան 1-ին գոյամարտում և ստացանք Արցախի դե ֆակտո պետականություն։ Հայոց ցեղասպանության միջազգային ճանաչումը (չհաշված փոքրիկ շեղումները) տեղ գտավ մեր արտաքին քաղաքական օրակարգում և տվեց իր դրական արդյունքները։
Ժամանակակից ու արդար պետություն կառուցելու հարցում, սակայն, թերացանք, ինչի արդյունքում էլ քաղաքական դաշտում առաջացան չարորակ ուռուցքներ։ Նիկոլ Փաշինյանն այդ հիվանդ միջավայրի ծնունդ է։ Արցախը դարձավ նրա առաջին զոհը։ Հայոց ցեղասպանության հարցը, թուրքական նախապայմանների բավարարման շրջանակներում, մոռացության տրվեց։ Հերթը հասել է Հայաստանի գոյությանը։
ՀԱՅԱՍՏԱՆԻ «raison d'être»–ն
Նիկոլ Փաշինյանը 5 տարվա ընթացքում փաստացի զրկեց մեր երկիրն անկախության հռչակագրում ամրագրված առաքելությունից, փոշիացրեց ձեռքբերումները ու գրեթե զրոյացրեց մեր ինքնիշխանությունը՝ հարցականի տակ դնելով Հայաստանի Հանրապետության գոյությունը։
Արցախի կորուստը զրկել է մեր պետությունը գոյության կարևորագույն իմաստից, ինչը նշանակում է, որ մենք հիմա ազգային-պետական ինքնության ու առաքելության լրջագույն ճգնաժամի մեջ ենք։
Ո՞րն է մեր երկրի առաքելությունը նոր իրողությունների պայմաններում։ Արցախի հարցով ո՞րն է լինելու ՀՀ–ի անելիքը։ Ինչպե՞ս ենք Բաքվից հետ բերելու պատանդառված արցախցիներին։ Ինչպե՞ս ենք խայտառակության խարանը մաքրելու մեր ճակատից։ Ինչպե՞ս ենք մենք դաշնակիցներ ունենալու թշնամական Ադրբեջանի ու Թուրքիայի ծավալապաշտական նկրտումների պայմաններում։ Ինչպե՞ս ենք մենք պահպանելու մեր պետականությունն այս եռացող տարածաշրջանում և փոթորկոտ աշխարհում։ Ինչքանո՞վ ենք մենք հետաքրքիր աշխարհին ու մեր բնական դաշնակիցներին։ Ինչպե՞ս չդառնանք բախման թատերաբեմ Արևմուտք-Իրան, Արևմուտք-Ռուսաստան սուր հակադրության պայմաններում։ Ինչպե՞ս աշխարհաքաղաքական խոշոր կենտրոնների հետ գտնենք արդյունավետ գործընկերության բանաձև՝ չդառնալով մանրադրամ։ Սրանք հարցեր են, որոնց պատասխանները գտնելու և գործնական քայլեր անելու համար լրջագույն մտավոր աշխատանք և կամք է պահանջվում։
88–ի շարժման սերնդի գլխավոր ձեռքբերումը՝ Արցախը, հանձնվել է ու հայաթափվել։ Սա էլ է քաղաքական դեֆոլտի պատճառ դարձել ու մեզ կանգնեցրել լրջագույն մարտահրավերների առաջ։ Մեր սերունդը պետք է հաղթահարի այդ մարտահրավերները։
Մենք հիմա համազգային և պետական կատաստրոֆայի առաջ ենք կանգնած։ Հայաստանն Արցախով և առանց Արցախի լրիվ տարբեր բաներ են թե՛ արժեհամակարգային, թե՛ անվտանգային, թե՛ բարոյաքաղաքական առումներով։ Մենք հաղթած ազգից վերածվել ենք պարտված ու մատաղացուի կարգավիճակում հայտնված զանգվածի։ Այս պայմաններում պետականության կորուստն ու նոր ցեղասպանության ենթարկվելը կարճ ժամանակի հարց է դառնում։

ՀԱՅԱՍՏԱՆԸ՝ ՋՐԲԱԺԱՆԻ ԱՌԱՋ
Նիկոլ Փաշինյանը, «խաղաղության օրակարգի» կեղծ թեզի ներքո, առաջարկում է հրաժարվել ՀՀ անկախության հռչակագրից, այսինքն՝ 88–ի շարժման արդյունքում ձևակարպված գոյության իմաստից։ Այդ գոյության իմաստը, կրկնենք, հայկական Արցախին տեր կանգնելն էր։
Նիկոլն առաջարկում է Հայաստանի գոյության նոր իմաստ՝ առանց Արցախի, առանց հայ–ռուսական ու հայ–իրանական հարաբերությունների։ Դա թուրքական ազդեցության տակ ապրելու հեռանկարն է։ Այսինքն՝ Փաշինյանի առաջարկած գոյությունը ․․․ չգոյությունն է, քանզի Թուրքիան չի էլ թաքցնում, որ լեգիտիմ չի համարում հայկական պետության գոյությունն իր հարևանությամբ։
Այս տարվա հոկտեմբերի 5–ին Փաշինյանը Գրանադայում ՀՀ քաղաքացիների գլխին բերել է այնպիսի ապագա, ինչպիսին, որ բերեց Արցախի Հանրապետության գլխին նախորդ տարվա հոկտեմբերի 6–ին Պրահայում։ Նիկոլ Փաշինյանն Ալիևին լեգիտիմ հիմք է տվել՝ Հայաստանի վրա հարձակվելու, «անկլավները» գրավելու և Հայաստանում բազմաթիվ «Լաչինի միջանցքներ» սարքելու համար։ Երևանին, փաշինյանական «խաղաղության օրակարգով», նույն սցենարն է սպասվում, ինչպես որ եղավ Ստեփանակերտի հետ։
Մենք հիմա շատ կարճ ժամանակ ունենք՝ Փաշինյանի ու մեր թշնամի պետությունների գծագրած սարսափելի հեռանկարի դեմն առնելու համար։
Փաշինյանը ՀՀ քաղաքացիներին ու բովանդակ հայ ժողովրդին առաջարկում է մահվան հայեցակարգ՝ նպատակ ունենալով փրկել սեփական աթոռն ու ապահովել անձնական անվտանգությունը։ Դա նշանակում է, որ Փաշինյանի իշխանությունն ու Հայաստանն անհամատեղելի են։ Ամբողջական իշխանափոխությունը մեր պետականության ու անվտանգության ապահովման թիվ մեկ նախապայմանն է։
Ստեղծված իրավիճակում բոլոր ազգային ուժերի խնդիրը Հայաստանի առաքելության, անվտանգության ապահովման և զարգացման ֆունդամենտալ հարցերի պատասխանը գտնելն ու դրա շուրջ համազգային համախմբում ապահովելն է։
Ազգային կոմիտեն, որը ստեղծվել էր սեպտեմբերի 20–ին, արտակարգ պայմաններում և Արցախում ստեղծված իրավիճակից դրդված, հիմա օբյեկտիվորեն չի կարող գործել սեպտեմբերի 20–ի տրամաբանությամբ։ Կոմիտեն տրանսֆորմացման կարիք ունի։ Դա տեղի կունենա կոմիտեի ընդլայնման, վերակազմավորման կամ հասարակական–քաղաքական նոր ձևաչափի միջոցով, քննարկման հարց է։
Ի դեպ, մենք անհամեմատ ավելի լուրջ հարցերի պատասխաններ պետք է գտնենք, քան կոմիտեի ապագային վերաբերող հարցերի պատասխան գտնելն է։ Կոմիտեն գործիք է՝ խնդիրը լուծելու համար։ Եթե խնդիրը տրանսֆորմացվում է կամ գործիքը չի աշխատում, ապա պետք է արագ արձագանքել միջավայրին ու համապատասխան քայլեր անել։

ՔԱՂԱՔԱԿԱՆ ԱՌԱՋՆՈՐԴՈՒԹՅԱՆ ԵՎ ԱՆԵԼԻՔՆԵՐԻ ՄԱՍԻՆ
Կա տեսակետ, որ սեպտեմբերի 19–ին մեկնարկած հանրային ընդվզման միջոցով իշխանափոխության բլից–կրիգը չհաջողվեց, քանի որ այսինչ մարդուն չհրավիրեցին ու չկանգնեցրեցին հարթակում, կամ էլ՝ չներառեցին Ազգային կոմիտեում։ Սա իրականում պարզունակ քննադատություն է։
Այս թեմայով պետք է նկատել, որ առաջնորդությունը կանչովի չի լինում։ Լիդերին նաև հրավիրատոմս չեն տալիս։ Լիդերը մտնում է կռվի մեջ՝ չխուսափելով պատասխանատվությունից ու չվախենալով հարվածներից։
Կա նաև կարծիք, որ հանրահավաքները մարեցին, քանզի այսինչն էր հարթակում կանգնած։ Եթե նույնիսկ այդ քննադատության մեջ օբյեկտիվություն կա, ապա հանրային տրամադրությունների ներկա պատկերը շատ ավելի խորքային պատճառներ ունի, քան այսինչի կամ այնինչի հարթակում լինել կամ չլինելը։
Հիմա պետք է մի կողմ դնել բոլոր մանր խնդիրները, անձանական հաշիվներն ու խմբակային հաշվարկները։ Միմյանց քարկոծելն ու մեղավորներ փնտրելն անիմաստ ու անհեռանկար գործ է։ Դավադրությունների տեսությունն այս պայմաններում լավագույն օգնականը չէ։
Քաղաքական ինստիտուտների համընդհանուր դեֆոլտի պայմաններում մեզ անհրաժեշտ է նոր առողջ հոսանքների ու անհատների համախմբում կամ առնվազն նրանց միջև համագործակցության արդյունավետ ձևաչափերի ստեղծում։
Նիկոլ Փաշինյանի հեռացման պահանջը շատ մեծ է և անկախ այն հանգամանքից, որ հիմա փողոցում հարաբերական անդորր է, միևնույն է իշխանափոխությունն անխուսափելի է։
Իշխանափոխության համար մեզ քաղաքական դաշտում կանոնավոր բանակ է պետք ունենալ։ Քաղաքական ֆիդայականությունը մեր ժողովրդի համար կարող է մի քանի օրվա պոռթկում ապահովել, բայց ոչ իրական արդյունք։
Հայաստանին անհրաժեշտ է գաղափարական վակուումի վերացում, նոր որակի առաջնորդություն, թիմային աշխատանք, կամք, վճռականություն և համախմբվածություն։
Մենք իրար վրա ցեխ շպրտելու փոխարեն պետք է մեր էներգիան այլ ուղղությամբ օգտագործենք։ Բոլորս պետք է առաջնորդվենք՝ «Ո՞վ, եթե ոչ ես, եր՞բ, եթե ոչ հիմա» կարգախոսով»։
https://www.facebook.com/andranik.tevanyan.1/posts/pfbid02USCunihwiHzavedrJyeoPJ8rRafnPhkiJ1HGKy4f7RvKpKryY4MY2WdKi1rnXSAol?from_close_friend=1&notif_id=1696852956237747&notif_t=close_friend_activity&ref=notif
 
 
 
 
Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan