Ադրբեջանը վերսկսել է ռազմական գործողությունները Արցախում. սկսել է ռմբակոծություն. Տեսանյութ
***
Կես ժամ է՝ Ստեփանակերտի վրա գնդակոծում են: Այս մասին NEWS.am-ին ասաց ԱՀ ԱԺ պատգամավոր Մետաքսե Հակոբյանը:
«Պատերազմ է: Երեխեքս դպրոցում են: Մոտ կես ժամ է՝ կրակում են: Գնդակոծում են: Կապ չկա, չենք կարողանում կապի դուրս գալ: Բոլորը երեխեքին կորցրել ենք, ավտոմեքենաներ չկան, որ գնանք վերցնենք դպրոցից»,-պատմեց պատգամավորը:
Ավելի վաղ գնդակոծության մասին հաղորդել էր նաև Արցախի նախկին պետնախարար Ռուբեն Վարդանյանը:
***
Ասկերանը թշնամու ինտենսիվ կրակի թիրախ է այս պահին։
Ալիեւն էլ հո չի՞ սպասելու Երեւանի ձայների վերահաշվարկին. Էրդողանն էդ մասին չի խնդրել իրեն։
Մանուկ Սուքիասյանի ֆեյսբուքյան էջից
***
Ստեփանակերտի բնակիչները հայտնում են, որ այս պահին քաղաքը հրետակոծվում է:
***
Ադրբեջանի պաշտպանության նախարարությունը հայտնում է.
«Ադրբեջանի «սահմանադրական կարգը վերականգնելու» նպատակով Ղարաբաղում տեղական «հակաահաբեկչական» միջոցառումներ են սկսվել»:
***
Արցախի նախկին պետնախարար Ռուբեն Վարդանյանը թելեգրամյան իր էջում քիչ առաջ գրել է. «Մեզ մոտ զանգվածային հրետակոծություն է սկսվել»:
Հետևեք մեզ Facebook-ում