Սպիտակի բժիշկները պայքարում են շան կծածով ԲԿ բերված 8-ամյա տղայի կյանքի համար

Այսօր՝ հուլիսի 20-ին, արտակարգ դեպք է տեղի ունեցել Լոռու մարզում։ Ժամը 12։20-ի սահմաններում ՀՀ Ներքին գործերի նախարարության Ոստիկանության Սպիտակի բաժին ահազանգ է ստացվել «Սպիտակ» բժշկական կենտրոնից, որ «դեմքի, գլխի և պարանոցի շրջանում սուր արյունահոսություն, հեմոռագիկ շոկ» ախտորոշմամբ իրենց մոտ  տեղափոխվել մի երեխա։ Այս մասին հայտնում է Shanshyan.com-ը։

Հիվանդանոցում բժիշկները ոստիկաններին հայտնել են, որ երեխան գտնվում է վիրահատարանում։ 

Վիրաբույժներ Ալեքս Ասատրյանը, Այվազ Մխիթարյանը, Համլետ Նազարյանը, Ֆրունզե Եղիայանը, անեզթեզոլոգ-ռեանիմոտոլոգներ Մանուշ Հովհաննիսյանն ու Գոռ Հովհաննիսյանը, հավատարիմ Հիպոկրատին տված երդմանը, անում են անհնարինը՝ երեխայի կյանքը փրկելու համար։ 

Այս պահին երեխայի վիրահատությունը շարունակվում է, որի մեջ ներգրավված է նաև հիվանդանոցի ողջ բուժանձնակազմը՝ մայրապետից մինչև վիրաբուժական թիմ։ 

Ֆոտոլրագրողի հետ զրույցում երեխայի հարազատները, ովքեր հրաժարվեցին տեսախցիկի առաջ խոսել ասում էին՝ «Երեխայի վրա հարձակվել է շղթայով կապված շունը, որը պոկել է շղթան։

Ու հիմա ճիշտ է՝ երեխան գտնվում է ծայրահեղ ծանր վիճակում, վստահ ենք, որ Սպիտակի բժիշկներին այս անգամ ևս կհաջողվի փրկել երեխայի կյանքը, քանի որ առաջին անգամ չէ, որ Սպիտակի բժիշկները, լինելով իրենց բարձունքում՝ բազմաթիվ կյանքեր են փրկել։