Ինչո՞ւ են ինքնասպան լինում շնաձկները. բացահայտում

Ամերիկացի գիտնականները հայտնաբերել են մակաբույծի, որը հարյուրավոր շնաձկների ոչնչանալու պատճառ է դարձել` օվկիանոսի Կալիֆորնիական ափերին, տեղեկացնում է РИА Новости -ն` հղում անելով  National Geographic-ին: 

2017 թվականին արձանագրվել է շնաձկների 1000- ից ավելի "ինքնասպանություն":

Ինչպես հայտնի է, հարյուրավոր շնաձկներ օվկիանոսից իրենց ափ են նետում և անշնչանում: Այդ պահվածքի պատճառը տարիներ շարունակ հանելուկ է մնացել: Կալիֆորնիայի գիտնականների` Սան Ֆրանցիսկոյում կատարած ծավալուն հետազոտությունների արդյունքում պարզվել է, որ ինչ - որ բան քթանցքերից ներթափանցելով դեպի գլուխ պարզապես կերել է շնաձկների ուղեղը: Բջջաբանական հետազոտության արդյունքում պարզվել է, որ շնաձկների ուղեղով կերակրվել է Miamiensis avidus մակաբույծը: Արձանագրվել է, որ այս մակաբույծը վերջին շրջանում ակտիվացել է և դարձել է ջրային այլ կենդանիների ոչնչանալու պատճառ: 

Գիտնականները այս բռնկումը բացատրում են կլիմայական փոփոխություններով, առանձնապես` հորդառատ անձրևներով, որոնց հետևանքով նոսրացել է ջրում աղի բաղադրությունը, ինչն էլ բերել է նման հիվանդության բռնկման: Շրջակա միջավայրի քիմիական բաղադրության փոփոխությունը բերել է ջրային կենդանիների իմունիտետի թուլացման, ինչն էլ կենդանիներին դարձրել է մակաբույծի զոհը: Ըստ գիտնականների, շնաձկները կորցնելով տեղանքում կողմնորոշվելու ունակությունը, ափ են նետվել և մահացել: Սակայն նրանց մի զգալի մաս էլ պարզապես ոչնչացել է ջրի մեջ:  

Zham.am