«Հեղաշրջման փորձի» մասին խոսելը՝ սեփական անձն ինչ-որ մի տեղ զոհի կերպարի մեջ ներկայացնելու փորձ է. Ձյունիկ Աղաջանյան Իրան-Իսրայել առճակատումից ի՞նչ կարող է սովորել Երևանը Ուշադիր եղե՛ք. սրանք գնալու են Վեհափառի հետևից. Գևորգ Ստեփանյան (տեսանյութ)
26
Մայր Աթոռը օրինական բոլոր միջոցներով հետամուտ է լինելու գործի արդարացի ընթացքին Դատարանը քննում է Բագրատ սրբազանի խափանման միջոցի հարցը Բագրատ Սրբազանի վերաբերյալ կալանքի միջնորդությունը մակագրվեց Մասիս Մելքոնյանին. Փաստաբան Հրայր սարկավագ Հակոբյանին և Աղասի Արշակյանին մեղադրանք են առաջադրել Փաշինյանը պարտության մարմնավորում է Հրապարակված ձայնագրություններն ակնհայտ մոնտաժված են, չեն արտահայտում իրականությունը. Հովհաննես Խուդոյան (տեսանյութ) Ի՞նչ է այս պահին կատարվում քննչական կոմիտեի մոտ. Ուղիղ Բագրատ Սրբազանին բերման ենթարկեցին․ իրավիճակը լարվեց ԱԱԾ դիմակավորված անձինք խուզարկություն են իրականացնում պատգամավոր Արթուր Սարգսյանի տանը և Բագրատ Սրբազանի կեցավայրում (ուղիղ) «Փաշինյանն Էրդողանից 3-րդ ժամկետ է մուրում, բայց Սահակաշվիլու օրն է ընկնելու»․ Անդրանիկ Թևանյան (ուղիղ) Պատերազմ Արցախում
Թուրքական մամուլը գրում է, որ Աննա Հակոբյանն Անթալիայում ճոխագույն եռօրյա արձակուրդ է ունեցել՝ ադրբեջանցու պատկանող շքեղ հյուրանոցում Անհարմար բան ստացվեց․ «ահաբեկիչների» զենքերն օրինական են, փամփուշտները՝ կրակված Արցախի ԱԺ պատգամավոր Դավիթ Գալստյանի խափանման միջոցի դատական նիստն է (տեսանյութ) Մայր Աթոռը օրինական բոլոր միջոցներով հետամուտ է լինելու գործի արդարացի ընթացքին Երկրաշարժ՝ Հայաստանում Դատարանը քննում է Բագրատ սրբազանի խափանման միջոցի հարցը Նման իրավիճակ կարող է առաջանալ միայն իշխանության զավթված լինելու դեպքում. Գևորգ Դանիելյան «Հեղաշրջման փորձի» մասին խոսելը՝ սեփական անձն ինչ-որ մի տեղ զոհի կերպարի մեջ ներկայացնելու փորձ է. Ձյունիկ Աղաջանյան Բագրատ Սրբազանի վերաբերյալ կալանքի միջնորդությունը մակագրվեց Մասիս Մելքոնյանին. Փաստաբան Հրայր սարկավագ Հակոբյանին և Աղասի Արշակյանին մեղադրանք են առաջադրել Կառավարիչների հակապետական գործունեության հետևանքով մեր հայրենիքը հայտնվել է օրհասական իրավիճակում․ ՀՀԿ Հայաստանում տեղի ունեցողը նրանց ներքին գործն է․ Ղազախստանի ԱԳՆ Փաշինյանը պարտության մարմնավորում է Ստամբուլո՞ւմ է գծվել «հեղաշրջման պլանը»․ «Կարճ ասած» Ահազանգ. Դավթաշենի նորոգված այգու ոռոգման համակարգը չի գործում, ծառերը չորանում են (տեսանյութ) Արցախի մասին խոսելը մեզ համար կամաց-կամաց դառնում է տաբու. Նաթան Սրբազան «Քաղաքական դիակը նա է, ով իրականացնում է Հայաստանի թրքացում»,- Էդուարդ Շարմազանով Այնքան փնթի են անում, որ նկարում են նաև զենքի օրինական լիցենզիաները․ Քրիստինե Վարդանյան Քննչական կոմիտեն վերածվել է իշխանության լրատվական գործիքի. Գեղամ Մանուկյան Իշխող խմբակը թեքում է աշխարհաքաղաքական վեկտորը դեպի Արևմուտք. Ստեփան Դանիելյան Իրան-Իսրայել առճակատումից ի՞նչ կարող է սովորել Երևանը Հրապարակված ձայնագրություններն ակնհայտ մոնտաժված են, չեն արտահայտում իրականությունը. Հովհաննես Խուդոյան (տեսանյութ) «Բռնաճշումների համար օգտագործվել է անհայտ մարդկանց կողմից 1 տարի առաջ պատրաստված ինչ-որ թուղթ»․ «Սրբազան պայքար» Օրվա գլխավոր խնդիրը Հայաստանի վերջանական բռնատիրացումը կանխելն է․ «Հայաստան» խմբակցություն Ուշադիր եղե՛ք. սրանք գնալու են Վեհափառի հետևից. Գևորգ Ստեփանյան (տեսանյութ) Մոսկվան Երևանի հետ կապի մեջ է, այդ թվում՝ Սամվել Կարապետյանի հարցով. Պեսկով «Ռեժիմի հուսահատ ջղաձգումներն են։ Վերջը մոտ է»,-Արա Սահակյան Ուշադիր եղե՛ք. սրանք գնալու են Վեհափառի հետևից. Գևորգ Ստեփանյան (տեսանյութ) Բագրատ Սրբազանին մեղադրանք է առաջադրվել Էրդողանը Փաշինյանին համարում է «ջահել», որն իրեն պարտական է․ քննարկում Դերենիկ Մալխասյանի հետ (տեսանյութ)

Ես երջանիկ հայ կնոջ այդպես էլ չեմ հանդիպել, մեզ դարերով անուղղակիորեն սովորեցրել են, որ երջանկությունը անառակների բանն է․ Աննա Հակոբյան

Նիկոլ Փաշինյանի տիկին Աննա Հակոբյանը հրապարակել է իր ելույթը «Հնարավորություններ եւ խոչընդոտներ. Կանանց տեղն ու դերը Հայաստանում» խորագրով համաժողովի ժամանակ.

Սիրելի տիկնայք՝

Ողջունում եմ բոլորիդ, շնորհակալ եմ յուրաքանչյուրիդ իմ հրավերին արձագանքելու եւ այս տոնական օրը միասին անցկացնելու առաջարկն ընդունելու համար:

Մեր բուն միջոցառումը սկսելուց առաջ ուզում եմ ոտքի կանգնենք եւ մեր սիրո, մեր կարոտի, մեր երախտագիտության խոսքերն հղենք առ երկինք, որտեղ անմահություն են վայելում մեր դեմ սանձազերծված պատերազմներում հայրենիքը պաշտպանելու ժամանակ իրենց կյանքը քաջաբար զոհաբերած մեր հերոսները: Մենք ձեզ սիրում ենք, մենք ձեզ երախտապարտ ենք, մենք ձեզ պարտք ենք, պարտք ենք ձեր կյանքին համապատասխան պետություն, մենք պետք է ամեն օր մեզ հարց տալ՝, ի՞նչ արժեն ձեր կյանքերը մեզ համար, որքա՞ն ենք մենք գնահատում դրանք, մի՞թե ձեր կյանքի գինը հազիվ գոյատեւող, վախվորած պետությունն է՝ անվերջ լացող եւ նվնվացող քաղաքացիներով: Ո՛չ, եւ ո՛չ: Հազար անգամ ո՛չ: Ձեր կյանքի գինը ծաղկուն, զարգացած, հարուստ, բարեկեցիկ ուժեղ պետությությունն է՝ երջանիկ քաղաքացիներով: Եւ մենք ամեն օր մեր աշխատանքով կառուցում ենք այդ պետությունը: Կեցցե՛ն մեր հերոսները, եւ կեցցե՛ Հայաստանի Հանրապետությունը:

Մեր այսօրվա միջոցառման խորագիրը հետեւյալն է՝ «Հնարավորություններ եւ խոչընդոտներ. կանանց տեղն ու դերը Հայաստանում»: Պետք է խոստովանեմ, որ այս խորագիրը ծնվեց այնքանով որքանով, որպես ընդհանրական ուղենիշ մեր խոսակցության համար: Ընդունված է չէ՞ կանանց նվիրված միջոցառումների ժամանակ անպայման խոսել նրանց հնարավորություններից, խոչընդոտներից, հավասարությունից, բռնությունից եւ այլն:

Բայց հետո սկսեցի մտածել՝ իսկ հնարավորություններ ինչի՞ համար, խոչընդոտներ ինչի՞ն: Ինչո՞ւ ենք մենք՝ կանայքս, հնարավորություններ ուզում, հնարավորություններ, որ ի՞նչ անենք: Կամ այդ ի՞նչ ենք ուզում անել, որ խոչընդոտների ենք հանդիպում:

Գուցե կանանց իրավունքների պաշտպանությամբ զբաղվող շատ ու շատ մարդիկ, կազմակերպություններ ունեն այս հարցի պատասխանը, բայց ես գտնում եմ, որ մենք ինքներս մեր պատասխանը գտնելու եւ ձեւակերպելու կարիք ունենք:

Իմ տարբերակը հետեւյալն է՝ մեզ պետք են հնարավորություններ մեզ եւ մեր միջավայրը ավելի լավը, ավելի անվտանգ, ավելի գեղեցիկ, ավելի երջանիկ դարձնելու համար: Մեզ պետք են հնարավորություններ երջանիկ լինելու եւ ուրիշների երջանկությանը նպաստելու համար:

Ահա այստեղ է, սակայն, որ ես կարեւորում եմ մեր այսօրվա խոսակցությունը: Իսկ ո՞րն է մեզ համար երջանկությունը: Մենք՝ հայ կանայքս, ի՞նչ ենք հասկանում երջանկություն ասելով:

Դարերով մեզ սովորեցրել են, որ հայ կնոջ դերը լավ երեխա դաստիարակելն է, ընտանիքի, գերդաստանի համար լավ հարս լինելը, հայրենիքի համար հերոսներ ծնելը: Դարերով հայ կինը հավատարիմ է մնացել իրեն սերնդեսերունդ փոխանցվող այս պատգամին, բայց ուղղեք ինձ, եթե ես սխալվում եմ, ես երջանիկ հայ կնոջ այդպես էլ չեմ հանդիպել: Չեմ հանդիպել ոչ իմ հարազատների շրջանում, ոչ հարեւանների, ոչ բարեկամների, եւ ոչ էլ գրականության մեջ: Իմ ճանաչած կանանց մեծամասնությունը հարյուր տոկոսով համապատասխանել է այդ դարավոր բանաձեւին՝ երեխա, ընտանիք, լավ կին, լավ հարս: Նրանք այդ դերը սրբորեն կատարել են, բայց դա նրանց չի երջանկացրել: Իսկ բոլոր այն կանայք, ովքեր փորձել են դուրս գալ այս բանաձեւից եւ որեւէ այլ բանով էլ զբաղվել, գուցե եւ մոտ են եղել երջանկության, բայց այդ դեպքում էլ միջավայրը նրանց դա թույլ չի տվել. նրանց պիտակավորել են, անվանարկել:

Այստեղ ահա մեկ այլ հարց է առաջանում. Իսկ մենք՝ հայ կանայքս, ընդհանրապես ուզում ե՞նք երջանիկ լինել: Իմ կարծիքով այս հարցը չափազանց ուշացած, բայց միեւնույն ժամանակ մեր երկրի համար կենսական կարեւորության հարց է: Պատասխանի իմ տարբերակը հետեւյալն է. ոչ: Մենք չենք ուզում երջանիկ լինել: Մենք նման խնդիր մեր առաջ երբեւէ չենք էլ դրել: Այլապես, եթե դարերի խորքից վերապահված դերակատարությունը մեզ չի երջանկացնում, ինչո՞ւ ենք մենք շարունակում այդպես ապրել:
Կարծում եմ՝ մենք այդպիսի խնդիր մեր առաջ չենք դրել, որովհետեւ մեզ անուղղակիորեն սովորեցրել են, որ երջանկությունը անառակների բանն է: Առաքինի հայ կինը տառապյալ հայ կինն է: Որքան ավելի տառապյալ, այնքան ավելի առաքինի, ավելի վեհ, ավելի ակնածելի: Մենք ընդհանրապես չունենք բարոյական ու երջանիկ հայ կնոջ կերպար: Եթե բարոյական, ապա՝ միմիայն տանջված: Եթե երջանիկ, ապա՝ միմիայն թեթեւսոլիկ: Մեզ համար չկան այլ տարբերակներ: Մենք չենք էլ փորձել համատեղել առաքինությունն ու երջանկությունը:

Ես այս չափազանց զգայուն թեմային չէի անդրադառնա, եթե տեսնեի, որ մեծամասամբ դժբախտ եւ տառապյալ կանանցով բնակեցված մեր պետությունը հզորանում է, ուժեղանում, հարստանում, հաղթանակում: Եթե տեսնեի, որ տղամարդկանց ուժը, կամքը, քաջությունը, մարտունակությունը, ինքնագնահատականը դրանից ավելանում է, եթե տեսնեի, որ գոնե մեր երեխաները երջանիկ են: Բայց ոչ: Չկա այդ ամենը: Եւ դրա համար մենք պարտավոր ենք փոխել մեր պատկերացումները հայ կնոջ տեղի եւ դերի մասին:

Մենք պետք է հստակեցնենք ինչի՞ համար ենք ուզում հնարավորություններ, եւ ինչու չենք հանդուրժի խոչընդոտներ:

Այո, ես ուզում եմ երջանիկ լինել, ուզում եմ երջանիկ լինել, առաջին հերթին հանուն իմ երեխայի ժպիտի, հանուն այն բանի, որ նա իրեն պաշտպանված ու ապահով զգա, հանուն այն բանի, որ ես չսեւացնեմ նրա զուլալ աշխարհը: Ես ուզում եմ երջանիկ լինել հանուն իմ ամուսնու, իմ ընտանիքի երջանկության: Ես ուզում եմ երջանիկ լինել հանուն իմ երկրի, հանուն իմ ժողովրդի: Ես ուզում եմ երջանիկ լինել ինքս ինձ համար:

Իսկ ի՞նչ է ինձ համար երջանկությունը:

Ինձ համար երջանկությունը սիրո զգացողությունն է: Զգացողություն, որի շուրջ կառուցվում է ամեն ինչ: Երջանկությունն այդ սերը կրելն է, ուրիշներին տալն ու ուրիշներից ստանալն է: Իսկ Սերը կենդանի երեւույթ է, դա բոլորը գիտեն: Պետք է նրան մշտապես խնամել, աճեցնել, այլապես կցամաքի, կմահանա: Երբ հայ կինը իր սերն ու հոգատարությունը ուղղում է միմիայն իր ընտանիքի անդամներին, երեխաներին, ամուսնուն, սկեսուր-սկեսրայրին, մի ինչ-որ պահից սկսած այդ սերն ու հոգատարությունը փոխում են իրենց բնույթը, որովհետեւ երեխաները մեծանում են, մեծերը մահանում են, ամուսինը՝ միշտ աշխատանքի մեջ:

Արդյունքում՝ միմիայն ընտանիքին «ծառայող» հայ կնոջ սրտում սերը ոչ միայն չի աճում, այլեւ ի վերջո ինչ-որ պահից սկսում է ցամաքել ու կամ մահանում է, կամ նեխում-մնում այդ կնոջ սրտի մեջ՝ երբեմնի գեղեցիկ ու թռվռան աղջնակին վերածելով դժբախտ ու չարացած արարածի:

Բայց այդ նույն հայ կինը կարող է իր սերն ու հոգատարությունը ընտանիքի անդամներից բացի տարածել հարյուրավոր, հազարավոր այլ մարդկանց վրա: Օրինակ, նա կարող է լինել ոստիկան եւ իր սերն ու հոգատարությունը արտահայտել հասարակական կարգը պահպանելով, իր ընտանիքի, իր հարեւանների, իր համայնքի անդամների համար ապահով ու անվտանգ դարձնելով փողոցները, տներն ու բակերը: Կամ կարող է դառնալ փրկարար-դեսանտ եւ իր սերն ու հոգատարությունն արտահայտել այն մարդկանց նկատմամբ, ում նրան կվիճակվի փրկել կամ օգնել: Դատավոր՝ հարյուրավոր արդար վճիռներ, փրկված ճակատագրեր: Բժիշկ՝ հազարավոր առողջացած մարդիկ, վարսահարդար՝ հազարավոր գեղեցկացած մարդիկ, երաժիշտ, դերասան, նկարիչ՝ հազարավոր փափկած սրտեր, պատգամավոր՝ հարյուրավոր քաղաքացիների ձայնը խորհրդարանում, նախարար՝ հազարավոր մարդկանց կյանքի որակի փոփոխություն, զինվորական՝ հազարավոր մարդկանց խաղաղություն եւ անվտանգություն:

Եւ սրանից կշահեն բոլորը, բայց առաջին հերթին ընտանիքի անդամները, որովհետեւ նրանց մոր-հարսի-կնոջ սիրտում սերը երբեք չի հասցնի նեխել՝ արյան հետ միասին մշտական շարժման մեջ կլինի:

Ես չեմ հիշում մի տեւական ժամանակաշրջան, որ մեր պետությունը եւ այնտեղ ապրող մադիկ երջանիկ լինեին: Թերեւս երջանկության մոլեկուլները մի կարճ ժամանակահատված մեր մթնոլորտում պար էին բռնել 2018 թվականի հեղափոխությունից հետո միայն: Հեղափոխություն, որ հնարավոր եղավ իրականացնել, որովհետեւ կանայք տղամարդկանց հետ հավասար մասնակցեցին դրան: Ուժեղ եւ երջանիկ պետություն էլ հնարավոր կլինի կառուցել միմիայն այն դեպքում, երբ հայ կանայք տղամարդկանց հետ հավասար մասնակցեն դրան:

Մենք պարտավոր ենք անվերադարձ դեն նետել վեհ ու տառապյալ հայ կնոջ կերպարը: Չափազանց թանկ է նստում այն մեզ վրա: Մենք պարտավոր ենք երջանիկ լինել եւ երջանկություն բերել:

Շնորհակալություն:
Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan