Մոսկվան կարևոր է համարում Բաքվի և Երևանի միջև հարաբերությունների կարգավորմանն ուղղված միջնորդական ջանքերում կրկնությունից և մրցակցությունից խուսափելը. ՌԴ փոխարտգործնախարար
Ռուսաստանը ողջունում է ցանկացած նախաձեռնություն, որը կարող է աջակցել Բաքվի և Երևանի միջև հարաբերությունների կարգավորմանն ուղղված ջանքերին, գլխավորը՝ խուսափել շարունակվող միջնորդական ջանքերի կրկնությունից և մրցակցությունից, ՏԱՍՍ-ին տված հարցազրույցում ասել է ՌԴ փոխարտգործնախարար Միխայիլ Գալուզինը։
«Մենք ողջունում ենք ցանկացած նախաձեռնություն, որը կարող է աջակցել Ադրբեջանի և Հայաստանի միջև հարաբերությունների կարգավորմանն ուղղված ջանքերին: Ինչպես ասացի, Բաքվի և Երևանի միջև հաշտեցումը հիմնված է Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի վրա: Նկատի ունեմ ջանքերն ուղղված տրանսպորտային և տնտեսական կապերի ապաշրջափակմանը, սահմանների սահմանազատմանը, վստահության ձևավորում հասարակական գործիչների և փորձագետների միջև շփումների միջոցով, խաղաղության պայմանագրի պատրաստում: Գլխավորը խուսափել շարունակվող միջնորդական ջանքերի կրկնությունից և մրցակցությունից, հասնել դրանց սիներգիայի»,-ասաց նա՝ պատասխանելով՝ Երեւանի եւ Բաքվի միջեւ Եգիպտոսի միջնորդական նախաձեռնությանը Ռուսաստանի վերաբերմունքի մասին հարցին։
«Այս առումով մենք ընկալում ենք Եգիպտոսի նման մեծ և ազդեցիկ երկրի նախաձեռնությունը՝ աջակցելու Բաքվի և Երևանի միջև խաղաղության գործընթացին», - հավելել է Գալուզինը։
Ավելի վաղ Եգիպտոսի նախագահ Աբդել Ֆաթահ աս-Սիսին հայտարարել էր, որ Եգիպտոսը պատրաստ է միջնորդ դառնալ Հայաստանի և Ադրբեջանի միջև՝ այդ երկրների միջև հարաբերությունները կարգավորելու համար։
Zham.am
Հետևեք մեզ Facebook-ում