Այսօր հայոց եկեղեցին նշում է Վարդանանց զորավարների և մեծ պատերազմում մարտիրոսված 1036 վկաների հիշատակության օրը

ՀԱՅՈՑ ԵԿԵՂԵՑԻՆ՝ ՀԱՅԿԱԿԱՆՈՒԹՅԱՆ ՋԱՀԱԿԻՐ

• Այսօր հայոց եկեղեցին նշում է Վարդանանց զորավարների և մեծ պատերազմում մարտիրոսված 1036 վկաների հիշատակության օրը։ 

• Աշխարհագրության բերումով հայերս, սկսած Հայկ Նահապետից մինչև Վարդան Մամիկոնյան և մինչև Արցախյան պատերազմներ, քանակապես զիջել և զիջելու ենք թշնամիներին։ Այս պատճառով քանակապես մեզ վախեցնելը միշտ եղել է թշնամիների ծրագրում։ 

• Սա հաշվի առնելով էր՝ Վարդան Մամիկոնյանն Ավարայրի ճակատամարտից առաջ իր նիզակակիցներին խրախուսում չվախենալու հեթանոսների բազմությունից և քաջությանը վախկոտություն չխառնել․ «Մի՛ երկուցեալ զանգիտեսցուք ի բազմութենէ հեթանոսացն, եւ մի՛ յահագին սրոյ առն մահկանացուի զթիկունս դարձուսցուք։ Զի եթէ տացէ Տէր յաղթութիւն ի ձեռս մեր, սատակեսցուք զզաւրութիւն նոցա, զի բարձրասցի կողմն ճշմարտութեան։ Եւ եթէ հասեալ իցէ ժամանակ կենաց մերոց սուրբ մահուամբ պատերազմիս, ընկալցուք խնդութեամբ սրտիւ, բայց միայն յարութիւնս քաջութեան վատութիւն մի՛ խառնեսցուք»։

• Այսօր Արցախը շրջափակած թուրքերը՝ Ադրբեջանը և ՀՀ դե-ֆակտո իշխանությունները, նույնպես հայերիս ցանկանում են վախեցնել իրենց թշնամական քանակով։ Բայց մենք՝ ուղղափառ քրիստոնեության միակ պահապաններս, պետք է դարձյալ չերկմտենք անհավատների բազմության առաջ, և հաղթանակը մերն է լինելու։

• «Ավարայրի դյուցազները» նկարը՝ ըստ «Գեղունի», պատկերազարդ հայաթերթ, 2-րդ տարի, թիւ 1-10, Վենետիկ, 1903 թ․։

Քաղաքագետ Էդգար Էլբակյանի Ֆեյսբուքյան էջից