Այսօրվա մեր թրաշամանուկներն իրենց վարչապետով ասում են՝ օգնենք, որ բարեկամանանք. լրիվ հավի հիշողություն

Երկրաշարժերի ժամանակ Հայաստանի և Թուրքիայի փոխօգնության դեպքերի մասին․

Հայաստանում կան մարդիկ, որոնք հումանիստական ու նաև քաղաքական շատ խորը վերլուծությունների շրջանակում անհրաժեշտ են համարում փրկարարների խումբ ուղարկել Թուրքիա՝ որպես օգնություն։ Այս մտքի աջակիցները համոզված են, որ եթե մենք այս ծանր պահին օգնության ձեռք մեկնենք Թուրքիային, ապա նրանց մոտ կվերանա թշնամանքը մեր նկատմամբ, ու մենք կդառնանք բարեկամներ։ 

Քանի որ հայերի մեջ հիշողության զանգվածային կորուստ կա, ես փաստերով ու դեպքերով հիշեցնեմ, թե Հայաստանում ու Թուրքիայում տեղի ունեցած երկրաշարժերի կամ այլ աղետների ժամանակ ով ինչքան է ձեռք մեկնել մյուսին ու դա ինչ ազդեցություն է ունեցել կարճ ժամանակ անց։ 

1․ 1988 թ․ դեկտեմբերի 7-ին Հայաստանի Սպիտակի ավերիչ երկրաշարժից հետո Ադրբեջանում և Թուրքիայում տոնախմբություններ էին եղել։ Բաքվից ուղարկել էին մի գնացք՝ վրան գրված «Եղբայրական Ադրբեջանից», իսկ գնացքում եղել էր աղբ։ 

Նույն ժամանակ Թուրքիայից ուղարկել էին մարդասիրական օգնություն ցորենի տեսքով։ Ականատեսները պատմում են, որ ցորենից ահավոր հոտ է եկել, կասկածներ են եղել թունավորված լինելու մասին, մեծ մասը թափել են։ 

2․ 1999 թ․ օգոստոսի 17-ին Թուրքիայի Իզմիթ քաղաքի երկրաշարժից հետո Հայաստանը այն 13 երկրների մեջ էր, որոնք օգնություն ուղարկեցին Թուրքիա, նույնիսկ մեծ թվով հայ մասնագետներ մասնակցեցին փրկարարական աշխատանքներին։ 

Դրանից ընդամենը 2 ամիս անց՝ հոկտեմբերի 27-ին Հայաստանի ԱԺ-ում սպանվեցին երկրի վարչապետը, խորհրդարանի ղեկավարը և պատգամավորներ։ Այդ ահաբեկությունից մի քանի ամիս առաջ Նաիրի Հունանյանը Թուրքիայում հանդիպումներ էր ունեցել այդ երկրի ղեկավարների ու հատուկ ծառայության ներկայացուցիչների հետ։ Փաստերը կան քրեական գործում։ 

3․ 2011 թ․ հոկտեմբերի 23-ին Թուրքիայի պատմական հայկական Վան քաղաք երկրաշարժից հետո Հայաստանի այն ժամանակվա նախագահ Սերժ Սարգսյանը ցավակցություն հայտնեց Էրդողանին և Թուրքիա ուղարկեց փրկարարների խումբ։ 

Դրանից մի քանի տարի անց՝ 2016-ին, նույն Էրդողանը ակտիվ օգնեց Ադրբեջանին ապրիլյան քառօրյա պատերազմի ժամանակ, իսկ 2020-ի 44-օրյա պատերազմի ժամանակ Ադրբեջան ուղարկեց իր բարձրաստիճան զինվորականներին, հատուկ ջոկատայիններին ու Բայրաքթար աթս-ները, նաև մի քանի հազար արաբ ահաբեկիչների Թուրքիայի տարածքով տեղափոխեց Ադրբեջան՝ Արցախի դեմ կռվելու։

Այսօրվա մեր թրաշամանուկներն իրենց վարչապետով ասում են՝ օգնենք, որ բարեկամանանք։ Լրիվ հավի հիշողություն։

Լրագրող Նաիրի Հոխիկյանի ֆեյսբուքյան էջից