Փաշինյանը շտապում է օգնություն տրամադրել երկրաշարժից տուժած Թուրքիային, բայց Իրանին նույնիսկ ցավակցական հեռագիր չհղեց

Վշտացած եմ Թուրքիայում և Սիրիայում տեղի ունեցած ավերիչ երկրաշարժի լուրից, որի հետևանքով զոհվել են բազմաթիվ մարդիկ։ Այս մասին թվիթերի իր էջում գրել է Նիկոլ Փաշինյանը։

«Մեր խորին ցավակցություններն ենք հայտնում զոհվածների ընտանիքներին, իսկ վիրավորներին՝ շուտափույթ ապաքինում։

Հայաստանը պատրաստ է օգնություն ցուցաբերել»,-գրել է նա։

Հիշեցնենք, որ գիշերը 7,5 բալ ուժգնությամբ երկրաշարժ է գրանցվել Սիրիայում և Թուրքիայում, որը տևել է 3-4 վայրկյան։ Զոհերի ընդհանուր թիվը գերազանցում է 300-ը։

Հիշեցնենք նաև, որ օրեր առաջ Իրանի Խոյ քաղաքում աղետալի երկրաշարժ է տեղի ունեցել, սակայն Նիկոլ Փաշինյանն անգամ ցավակցական հեռագիր չի հղել։

Հայկական կողմից միայն Ամենայն Հայոց Կաթողիկոսն էր ցավակցական հեռագիր հղել հարևան Իրանի նախագահին։

Zham.am