Իրանը հայտնել է, թե ովքեր են կանգնած Սպահանում ռազմական օբյեկտի վրա հարձակման հետևում

Իսրայելն առնչություն ունի Իրանի պաշտպանության նախարարության՝ Սպահան քաղաքում գտնվող օբյեկտի վրա հարձակմանը։ Այս մասին  հայտնել է ՄԱԿ-ում Իսլամական Հանրապետության մշտական ներկայացուցիչ Սաիդ Իրավանին, հայտնում է ISNA գործակալությունը։

«Նախնական հետաքննության արդյունքները վկայում են, որ սիոնիստական ռեժիմը պատասխանատու է Սպահան քաղաքում Պաշտպանության նախարարության շենքի վրա կատարված ահաբեկչական հարձակման համար», - ասվում է հայտարարության մեջ։

Սիոնիստական ռեժիմի գործողությունները խախտում են միջազգային իրավունքը, Իրանը դատապարտում է դրանք, ասել է մշտական ներկայացուցիչը։ Իրավանիի նամակն ուղարկվել է ՄԱԿ-ի գլխավոր քարտուղարին և Անվտանգության խորհրդի նախագահին։

Zham.am