Ի՞նչ է տեղի ունենում

Ի՞նչ է տեղի ունենում:

Պալատական հայտնի օլիգարխներ, նիկոլական խունտային հարող տարբեր շահագրգիռ շրջանակներ ուսումնասիրում են սոցցանցերում լայն լսարան ունեցող անձանց և անխնա հավաքագրում: Դա տեղի է ունեցել միշտ, բայց ավելի կոնկրետ ձև ու բովանդակություն ստացել 2021 թ. ընտրությունների նախօրեին, և հատուկ ուժգնությամբ շարունակվում է հենց այս օրերին: Այո, հենց այս օրերին: 

Բացատրենք:

Ռուսաստանին տարածաշրջանից դուրսմղման և թուրք-ադրբեջանական տանդեմին անգլոսաքսերի հովանավորությամբ տարածաշրջան ու հենց Հայաստան բերելու գործընթացը ունի փուլեր: Առաջին փուլը 44-օրյան էր և Արցախի պլանավորած հանձնումը, որը, սակայն, վերջին պահին ձախողվեց. ոչ միայն Արցախից «մի կտոր գլխացավանք» մնաց, դեռ մի բան էլ ռուսական խոշոր զորակազմ ավելացավ այնտեղ: 

Ի դեպ, խոսակցություններ կային, որ նոյեմբերի 9-ի հայտարարության մեջ նիկոլական թուրքահաճո խունտան ամեն ինչ արել է, որ բացառեին ռուսական խաղարարների մասին դրույթները, որը հնարավորություն կտար վերջիններիս Արցախի մնացյալ մասը ևս կարճ ժամանակ անց հանձնել ու հարցը փակել: 

Այժմ տեղի է ունենում խոշորագույն գործընթացի 2-րդ պայմանական փուլը՝ Ռուսաստանին քշել Հայաստանից: 

Ահա հենց այս փուլի համար են հավաքագրվում լայն լսարան ունեցող վերոնշյալ անձինք: Ի դեպ, բոլորովին պարտադիր չէ, որ նրանք լինեն մեդիափորձագետներ կամ քաղաքագետ-քաղաքական գործիչներ: Հակառակը, հենց պետք են «անմեղ» մասնագիտությունների և ոլորտների ներկայացուցիչներ՝ իրենց խոսքով առավել մեծ հավատ ներշնելու համար: 

Նշված օլիգարխները և խունտային հարող այլևայլ ներկայացուցիչներ այս մարդկանց կա՛մ ուղղակի հրավիրում են զրույցի, կա՛մ անուղղակի: Կախված անձից, օրինակ, կանչում են կա՛մ իրենց դուքան, կա՛մ տուն, կա՛մ անուղղակի առիթ են ստեղծում հանդիպման, օրինակ, կանչում են սեփական լրատվամիջոց և իբր «պատահական» նրանց տեսնում այնտեղ ու զրույցի բռնվում: Զրույցի թեման մոտավորապես սա է՝ «...Հարգելիս, ջահել տղա ես, մի կյանք ես ապրում, լավ ապրի: Պալատկա՞ ես կարում, բժի՞շկ ես, դերասա՞ն ես... շատ լավ, կարևորը լայն լասարան ունես, արի պայմանավորվենք՝ մեզ համար աշխատի, քեզ «լավ կնայենք», ֆինանսական ոչ մի պրոբլեմ չես ունենա: Մեզ պետք է, որ դու կանոնավոր հայհոյես ռուսներին և ձեռի հետ դրական ֆոն ապահովես թուրքերի մասով: Ասա, օրինակ, որ ինչ էլել ա՝ սաղ ռուսների պատճառով ա եղել, իսկ թուրքերի տիրապետության տակ ընտիր ապրել ենք: Էդի աշխատող մեթոդ է, Սահակաշվիլին էլ է վախտին լավ օգտագործել: Ի վերջո՝ քո համար ինչ տարբերություն, թող մի քիչ էլ թուրքերի տակ պառկենք, թող ազգանուններս էլ «յան»-ով չվերջանա, «օղլիով» վերջանա մի քանի 100 տարի, ինչ ա էլէլ որ, կարևորը՝ լավ ապրենք, հերիք եղավ էդ անտեր Ղարաբաղի ու ժայռերի մեջ թառած մի անասուն քաղաքի համար մեզ կոտորենք ու սոված ապրենք»:

Միջանկյալ հիշենք՝ «բարի թուրքի» կերպարը արևմտյան կամ արևմուտքի տակ քողարկված հենց թուրքական փողերով ու ծրագրերով ոնց է քարոզվել: Հիշենք՝ Նիկոլի իշխանության գալով փորձ արվեց զանազան մարիակարապետյանների ու լիլիթմկրտչյանների միջոցով անգամ դասագրքեր ներմուծել այդ կերպարը՝ փորձագիտական ձեռնարկներով քննադատելով դասագրքերի հեղինակներին, ովքեր, օրինակ, «այդքան կարճ ժամանակում հերոսացրել էին» Ապրիլյանի տղերքին: 

Դե, պարզ է, ոչ բոլորն են ընկնում թակարդը, բայց շատերն էլ չեն դիմանում և... հոպ. մի առավոտ զարթնում են ու սկսում հակառուսական հիստերիան՝ մոտավորապես այն բառամթերքով, որն ասացինք վերևում: Ի դեպ, բանը հասել է նրան, որ հայ ժողովրդի ցեղասպանությանը մասնակցող այդ տականքներն արդեն բացահայտ գրում են՝ ավելի լավ է ձուլված, ազգանվանափոխված ու կրոնափոխված ապրենք թուրքական տիրապետության տակ, քան որ այստեղ շարունակեն մնալ ռուսները.... 

Իսկ թե ինչու՞ է այդ ցեղասպանիչ գործընթացն աննորմալ կերպով ուժգնացել հենց այս օրերին՝ պարզ է. Ռուսաստանն ամենադժվարին փուլերում է, և ամենահարմար պահն է՝ նիկոլաական խունտայի բերած բոլոր դժբախտությունների դեմ դժգոհությունների ալիքն ուղղել ու պարպել Ռուսաստանի վրա: Զուգահեռաբար վարդագույն կյանքի խոստումներ սփռելով՝ հայ ժողովրդին նախապատրաստել «բարի» թուրքերի «ահեղ գալստյանը»:

Նիկոլական խունտան ակտիվորեն նախապատրաստվում է հրեշավոր պլանի պայմանական 3-րդ փուլին՝ թուրքերի գալստյանը կամ, ճիշտ կլինի ասել, նախապատրաստում է թուրքերի գալուստը: Ընդ որում՝ նման զարգացումների հաջող ավարտի դեպքում թուրքերը կարող է անգամ ոտքով հասնեն նաև Երևան, և դիմադրության բացակայության պայմաններում որևէ էսկալացիայի կարիք չլինի: Ինչու՞ նաև, քանի որ այդ նախադեպը կա, և ոտքով Քարվաճառ-միջնաբերդ, Շուշի-միջնաբերդ, Արաքսի ափով շվշվացնելով օրական տասնյակ կմ ոտքով առաջացող, Բերձոր ու Աղավնո մտնող թուրքը ինչ-որ մի օր կրկին ոտքով կհասնի Երևան:  

Հայ ժողովրդի ստրկացումը, ձուլումը, վերջնական բնաջնջումը և պատմության ասպարեզից անհետացումը կատարվում է հենց ազգանվամբ հայերի ձեռամբ:

Ահա թե ինչ է տեղի ունենում: 

Լուսանկարում՝ Կապանի Արծվանիկ գյուղ, ոտքս՝ Սյունյաց մեծ դավաճան Մելիք Ֆրանգյուլի անցանկապատ շիրմաքարի վրա:

Վահե Սարգսյանի ֆեյսբուքյան էջից