ԿԱ՛Մ ՄԵՆՔ, ԿԱ՛Մ ԻՐԵՆՔ

ԿԱ՛Մ ՄԵՆՔ, ԿԱ՛Մ ԻՐԵՆՔ

• Արցախում է գտնվում Հայկական լեռնաշխարհի ամենահին եկեղեցիներից Ամարասը, որտեղ Մեսրոպ Մաշտոցը նաև դպրոց է հիմնել,

• Ուշ միջնադարում, երբ հայկական թագավորությունից փշրանքներ էին մնացել, օտարները Հայաստան ասելով՝ նկատի ունեին Էջմիածինն ու Արցախը՝ յուր մելիքություններով,

• Հայաստանի Հանրապետության ստեղծման հիմքում ընկած Սարդարապատի ճակատամարտի հաղթական ելքը վճռել է արցախյան հեծելազորը,

• Հայաստանի Հանրապետության հիմնադիրն արցախցի Արամ Մանուկյանն է,

• Եվ այսքանից հետո ընդամենը 20-րդ դարակեսում դավաճան մատնիչից ծնված մեկը, գործակալական խարդավանքներով ու ինտրիգներով գալով իշխանության, Հայաստանի ներսում հիմնադրեց թուրքական դինաստիա, սկսեց ներազգային ատելություն հրահրել Արցախի հայերի հանդեպ՝ քարոզելով, որ մինչև Արցախը չտանք, «լավ չես ապրելու, Սերգո՛ ջան»։ Գահընկեց արվելուց հետո արևմտյան-թուրքական աջակցությամբ պահպանեց գաղափարախոսական դիրքերը և աճեցրեց ապագա կապիտուլյանտին՝ որպես Հայաստանի ամիրայական-էֆենդիական թուրքական վերնախավի մի նոր դարագլուխ՝ ավելի արդիականացված ու ավելի հրեշավոր։

• Կա՛մ մենք, իրար գլուխ ժողովելով հայկական ազգային դաշտից մնացած բեկորները, կկարողանանք մի վերջին խոյանքով մեկընդմիշտ վերջ տալ հակաՀայաստանին, կա՛մ վերջինս քաղցկեղի պես կխժռի Հայաստանի մնացորդները և հինարևելյան ևս մեկ քաղաքակրթություն հրաժեշտ կտա մարդկային ցեղի պատմությանը։

• Նկարում Հայկը հաղթում է Բելին։

 Քաղաքագետ Էդգար Էլբակյանի Ֆեյսբուքյան էջից