Ադրբեջանի լրագրողներին արգելել են շարժվել դեպի Ստեփանակերտ․ ի՞նչ է հայտնի. Տեսանյութ

Ռուս խաղաղապահները թույլ չեն տվել ադրբեջանցի լրագրողներին մեկնել Խոջալու։

Այդ մասին հայտնում են ադրբեջանական լրատվամիջոցները և նշում, որ ԼՂ-ում ռուսական խաղաղապահ զորամիավորման հրամանատար, գեներալ-մայոր Անդրեյ Վոլկովը լրագրողներին թույլ չի տվել լուսաբանել Խոջալուում Ադրբեջանի մոնիտորինգային խմբի և խաղաղապահ կոնտինգենտի ղեկավարության միջև կայանալիք բանակցությունները։

Նշվում է, որ լրատվամիջոցների ներկայացուցիչները, ովքեր հատել են խաղաղապահների վերահսկողության տակ գտնվող անցակետը, կարողացել են առաջ շարժվել Ստեփանակերտի ուղղությամբ, սակայն ռուս զինվորականները, լրացուցիչ ուժեր կիրառելով և լրագրողների ճանապարհը փակելով, նրանց ետ են վերադարձրել։ Դիտորդական խմբի բանակցությունները Խոջալուում շարունակվում են։

Աղբյուրը՝ hraparak.am