Իրանը զորավարժություններ է սկսել Ադրբեջանի հետ սահմանին. IRNA

Մեկնարկել են Իրանի Իսլամական հեղափոխության պահապանների կորպուսի (ԻՀՊԿ) ցամաքային ուժերի զորավարժությունները, հաղորդում է IRNA-ն:

Զորավարժությունների ընթացքում կմշակվեն ուղղաթիռների, անօդաչու թռչող սարքերի կիրառմամբ գործողություններ, գրոհներ օրվա գիշերային ժամերին, ինչպես նաեւ հաղորդակցությունների գրավումը:

«Այս զորավարժությունների ուղերձը հարևան երկրներին խաղաղությունն է, բարեկամությունը և կայուն անվտանգության ամրապնդումը, իսկ թշնամիների համար՝ Իսլամական հեղափոխության պահապանների կորպուսի պատրաստակամությունը Իրանի մյուս զինված ուժերի հետ՝ պաշտպանելու երկրի սահմանները և արձագանքելու ցանկացած սպառնալիքի»,- ասել է Իսլամական հեղափոխության պահապանների կորպուսի ռազմական ցամաքային զորքերի հրամանատար Մոհամմադ Խակպուրը:

Zham.am