Իրանը զգուշացրել է` նաեւ ուժ կկիրառեն` կանխելու Հայաստանի ու Իրանի սահմանագծի հնարավոր օկուպացիան

Իսլամական հեղափոխության պահապանների կորպուսը հայտարարել է, որ չի սահմանափակվի միայն նախազգուշացումներով. Իրանը թույլ չի տա Հայաստանի ու Իրանի սահմանագծի օկուպացիան: «Փաստինֆո»-ի հաղորդմամբ`այս մասին հաղորդում են իրանական աղբյուրները:

«Ադրբեջանը պետք է իմանա, որ եթե իրանական պետական գործիչները սահմանափակվել են միայն խորհուրդներով` ընդդեմ սահմաններին որոշ տեղակայումների, ապա դա չի նշանակում, որ չեն կարող նաեւ ուժ կիրառել` հնարավոր սպառնալիքի դեմ պայքարելու համար:

Իրանը թույլ չի տա` Հայաստանի ու Իրանի սահմանային հատվածի օկուպացիայի դավադրության իրականացումը ու երկու երկրների միջեւ հաղորդակցության շրջափակումը»,-ըստ իրանական աղբյուրների հայտարարել է Իսլամական հեղափոխության պահապանների կորպուսը: