Հայաստանի և Ադրբեջանի ճանաչված սահմանների ցանկացած հնարավոր փոփոխություն անընդունելի է․ Իրանի նախագահ
Իրանի նախագահն անընդունելի է համարել Հայաստանի և Ադրբեջանի ճանաչված սահմանների ցանկացած հնարավոր փոփոխություն։ Այդ մասին Է հայտարարել է Իրանի նախագահ Իբրահիմ Ռայիսին՝ Սամարղանդում ընթացող Շանհայի համագործակցության կազմակերպության գագաթնաժողովում, հայտնում է IRNA-ն։
«Կովկասյան տարածաշրջանում խաղաղության, կայունության և անվտանգության հաստատումը շատ կարևոր է Իրանի Իսլամական Հանրապետության համար։ Մենք մշտապես շեշտել ենք, որ անհրաժեշտ է հարգել երկրների տարածքային ամբողջականությունը, ազգային ինքնիշխանությունը և մերժել Ադրբեջանի Հանրապետության և Հայաստանի Հանրապետության ճանաչված սահմանների ցանկացած փոփոխություն։ Կողմերը պետք է լուծեն տարաձայնությունները երկխոսության միջոցով և խաղաղ ճանապարհով՝ միջազգային իրավունքի հիման վրա»,- նշել է Ռայիսին։
Նա նշել է, որ Իրանը, պաշտպանելով իր ազգային շահերն ու անվտանգությունը՝ հայտնում է իր պատրաստակամությունը օգնել Հայաստանին և Ադրբեջանին՝ իրենց տարաձայնությունները լուծելու հարցում։
Հետևեք մեզ Facebook-ում