Մինչ Փաշինյանը «խաղաղության դարաշրջան» է քարոզում, Ադրբեջանի նախագահն հայտարարում է բանակի թվաքանակի մեծացման մասին և սպառնում Հայաստանին
Ադրբեջանի պաշտպանության նախարար Զաքիր Հասանովը հայտարարել է, որ այդ երկրի զինված ուժերի թվաքանակը մեծացվում է՝ ավելացվում է «կոմանդոսների» ստորաբաժանում։ Այս մասին հայտնում է «Ինտերֆաքս Ադրբեջանը»։
«Ադրբեջանի բանակի թվաքանակի ավելացման բարեփոխումների շրջանակներում ավելացվել է «կոմանդոսների» ստորաբաժանումն ու Ազգային պաշտպանության ինստիտուտը»,-հայտարարել է Հասանովը՝ հավելելով, որ նոր ստորաբաժանումները ռազմական պատրաստվածություն են անցնում Թուրքիայում։
Բացի այդ նա նշել է, որ «Երկաթե բռունցք» հաջող գործողությունից հետո Ադրբեջանի նախագահ Իլհամ Ալիևը խոսել է ադրբեջանական բանակի՝ որպես թուրքական զինված ուժերի փոքր մոդելի նոր որակական մակարդակի բարձրացման մասին։
Նշենք նաև, որ Իլհամ Ալիևը Քարվաճառ (Քելբաջար) կատարած այցի ժամանակ հայտարարել է, եթե Հայաստանը փորձի ժամանակ ձգել սահմանները որոշելու հարցում, ապա կզղջա դրա համար:
Նա նաև հայտարարել է, «եթե ռևանշիստները Հայաստանում գլուխ բարձրացնեն, նրանք պետք է իմանան, թե ինչ է իրենց սպասվում»։
Zham.am
Հետևեք մեզ Facebook-ում