Հայաստանի պետական գերատեսչությունները խուսափում են նոր ճանապարհի գործարկման ժամկետների վերաբերյալ հարցերին կոնկրետ պատասխանելուց, մինչդեռ Ադրբեջանը շարունակում է ակտիվ շինարարությունը:
2020 թվականի նոյեմբերի 9-ի եռակողմ հայտարարության վեցերորդ կետը սահմանում է, որ «կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջև կապ ապահովող Լաչինի միջանցքով երթևեկության նոր երթուղու կառուցման պլանը, որին կհաջորդի այդ երթուղու պահպանման համար ռուսական խաղաղապահ զորակազմի վերատեղակայումը: Ադրբեջանը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով»:
Դեռ 2021-ի հուլիսին սոցցանցերի ադրբեջանական հատվածում հայտնվել էին քարտեզներ, որտեղ երևում է նոր երթուղին՝ Լաչինի միջանցքով ճանապարհները։
Ճանապարհը պետք է սկսվեր Հայաստանի Կոռնիձոր գյուղից (ներկայիս միջանցքից դեպի հարավ) և չընդգրկեր Բերձորը (Լաչինը) և Աղավնոն։
Այն ժամանակ Արցախի կառավարությունում Sputnik Արմենիայի հարցմանն ի պատասխան հայտնել էին, որ չեն տիրապետում նոր ճանապարհի կառուցման մասին տվյալներին։
2022-ի հունվարի վերջին սոցիալական ցանցերում հայտնվեց մեկ այլ լուսանկար, այս անգամ՝ կամուրջի կառուցումը Հակարի գետի վրա:
Լուսանկարն ուղեկցվում էր այն պնդումով, որ կամուրջը պետք է միացնի Կոռնիձոր (Հայաստան) գյուղից դեպի Հին Շեն (Արցախի Շուշիի շրջան) գյուղ տանող ճանապարհները:
Փետրվարին Ադրբեջանի Ավտոմոբիլային ճանապարհների պետական գործակալության վարչության նախագահ Սալեհ Մամեդովը հայտարարել էր, որ Բերձոր քաղաքը շրջանցող ավտոմոբիլային ճանապարհը շահագործման կհանձնվի մինչև այս տարվա հուլիս:
«28 կմ երկարությամբ այս ճանապարհը կմիացնի Լաչինի (Քաշաթաղի,– խմբ․) շրջանի 6 գյուղեր։ Արդեն կառուցվել է 17 կմ երկարությամբ հատվածը և կամուրջ Հագարի գետի վրա։ Ճանապարհը շահագործման կհանձնվի մինչև այս տարվա հուլիս»,-ասել էր Մամեդովը։
Տեղ համայնքի (որի կազմում է Կոռնիձոր գյուղը) ղեկավար Դավիթ Ղուլունցն այն ժամանակ Sputnik Արմենիային հայտնել էր, որ հայկական կողմից ոչ մի աշխատանք չի տարվում։ Միաժամանակ նա նշել էր, որ հայկական կողմից տեսնում են այն աշխատանքը, որն իրականացնում է ադրբեջանական կողմը։
Կոռնիձորի գյուղապետ Լուսինե Քարամյանը ևս Sputnik Արմենիային հայտնեց, որ հայկական կողմից որևէ աշխատանք չի իրականացվում։
«Պաշտոնական տեղեկատվություն այն մասին, որ ճանապարհը հենց այստեղով պետք է անցնի, չկա։ Դա նրանց (Ադրբեջանի.– խմբ․) կարծիքով է, նրանց ասածն է»,–ասաց Քարամյանը, հաստատելով, որ տեղի բնակիչները շինարարություն տեսել են։
Ընդ որում, ժամանակին հայկական կողմը գրունտային ճանապարհ է կառուցել, որն օգտագործվել է ուղիղ Արցախի Քաշաթաղի շրջանի հարավում գտնվող բնակավայրեր դուրս գալու համար։
Sputnik Արմենիան հարցումներ է ուղարկել ՀՀ արտաքին գործերի և տարածքային կառավարման նախարարություններ։ Արտաքին քաղաքական գերատեսչության պատասխանում մեջբերվում է Լաչինի միջանցքի նոր երթուղու վերաբերյալ եռակողմ հայտարարության 6-րդ կետի տեքստը:
«Հարցը քննարկվում է, այս պահին այլ տեղեկատվություն առկա չէ»,-ասված է հաղորդագրության մեջ:
Նույնատիպ ոչ այնքան բովանդակալից պատասխան են ուղարկել նաև ՀՀ տարածքային կառավարման և ենթակառուցվածքների նախարարությունից։
Արդեն 2022 թվականի ապրիլին մամուլը գրել էր այն մասին, որ Սյունիքի Խնձորեսկ գյուղի մոտակայքում Ադրբեջանը մաքսակետ է կառուցում։ Իսկ ճանապարհի՝ Սյունիքից մինչև Հին Շեն գյուղն ընկած հատվածը գրեթե պատրաստ է։
Արցախի Հին Շեն գյուղի գյուղապետ Մանվել ՍարգսյանըSputnik Արմենիային պատմեց, որ ադրբեջանցի բանվորներն արդեն մեկ ամիս է, ինչ գյուղի մոտակայքում ակտիվ շինարարություն են իրականացնում։
Նրանք արդեն շրջանցել են այն և շինարարությունը շարունակում են Մեծ Շեն գյուղի և դեպի Ստեփանակերտ գործող մայրուղու ուղղությամբ։ Մոտ մեկ շաբաթից կհասնեն այնտեղ։ Նա չի բացառում, որ մայրուղուն միացնելու աշխատանքները մինչև մայիս ավարտված կլինեն։
«Բաքվի կեսն այստեղ է աշխատում, ամեն մեկը որ մի շերեփ վերցնի, արագ կվերջացնեն աշխատանքը»,-ասաց Սարգսյանը։
Ինչ վերաբերում է ռուս խաղաղապահներին, նրանք գյուղի մոտ են և ապահովում են տեղի բնակիչների անվտանգությունը, բայց շինարարության գործընթացին չեն միջամտում։
Արցախի իշխանությունն ու Հայաստանի ղեկավարությունը հայտարարում են, որ իրենց վերահսկողության տակ գտնվող տարածքում շինարարության որևէ հաստատված ծրագիր չունեն։
«2022 թվականի կապիտալ շինարարության մեր ծրագրում ներկայում նման օբյեկտ չկա»,-Sputnik Արմենիային ասաց քաղաքաշինության նախարար Արամ Սարգսյանը։
Մինչդեռ արբանյակային լուսանկարները ցույց են տալիս, որ ճանապարհային աշխատանքներ են իրականացվում Հայաստանի սահմանից՝ Տեղ և Կոռնիձոր գյուղերի շրջանից մինչև Հին Շեն գյուղ և ավելի հեռու։
Բագրատ Սրբազանի գործը հեռանկար չունի և չի կարող ունենալ. Աբրահամյան
«Վարդաշեն» ՔԿՀ-ից դատապարտյալ է փախել․ նա Վայոց ձորի մարզի 30-ամյա բնակիչ է
Իրանից հերքում են Թրամփին. Ոչ մի բանակցություն էլ չկա
Օրական 33 տույժ՝ միայն այս երկու փողոցների փոքր հատվածներում (տեսանյութ)
Պատրաստակամ եմ գործուն առաջարկներով լրացնել և ուժեղացնել «Առաջարկ Հայաստանին» ծրագիրը․ Հայկ Նահապետյան
«Հայաստան–Արցախ» համահայկական երիտասարդական միության և «Արցախի հոգեբանների միության» միջև կնքվեց համագործակցության հուշագիր (տեսանյութ)
ՔՊ-ի հերթական սուտը․ «սմարթ» կանգառները վկա (տեսանյութ)
Փաշինյանն ու Պուտինը պայմանավորվել են առաջիկա հարմար առիթով քննարկումը շարունակել հանդիպման ձևաչափով
Վատ լուր ունեմ իշխանությունների համար՝ սոցիոլոգիական հարցումների արդյունքների համաձայն, իրավիճակը միանգամայն այլ է. Իվետա Տոնոյան
Պատերազմը, խաղաղությունը չպետք է ձևական խոսքով լինի, խաղաղությունը պետք է լինի երաշխավորված. Գագիկ Ծառուկյան
Մեր վարչապետի թեկնածուն ոչ հներից է, ոչ նորերից է. Գագիկ Ծառուկյան
Երևանի մամուլի շենքը կվերածվի հյուրանոցի
Փաշինյանը զանգահարել է Պուտինին
Փաշինյանի ԱԳ նախարարը ահաբեկում է Հայաստանի ժողովրդին, որ եթե իրենք չլինեն, անմիջապես պատերազմ կլինի
Երևանում ապրիլի 3-ից 90 օրով ճանապարհահատված կփակվի
Յուրաքանչյուրը պարտավոր է գիտակցել արցախցու վերքը (տեսանյութ)
Նիկոլ Փաշինյանի կեցվածքը մետրոյում բնութագրեց ամբողջ ՔՊ-ի բարոյական և հոգեբանական կերպարը
Թռնելուց խոսում է մեկը, որի անցած քաղաքական ճանապարհը թռնելու պատմություն է
«Պատերազմի ագռավ» Նիկոլ Փաշինյանը շանտաժ է անում ժողովրդին․ Դերենիկ Մալխասյան (տեսանյութ)
Շենգավիթում անձրևը շարունակաբար լցվում է քաղաքացու բնակարան (տեսանյութ)
Ամենայն Հայոց Կաթողիկոսի այցը Վրաստան արգելելը հարված էր մեր երկրի միջազգային վարկանիշին. տեր Եսայի
ՀՀ-ն հումանիտար օգնություն է ուղարկել Իրանին, հիմնականում՝ դեղորայքի տեսքով
2024-ին բուժաշխատողի կողմից զինծառայողին անզգուշությամբ մահ պատճառելու դեպքի առթիվ քրեական վարույթի նախաքննությունն ավարտվել է
Հավասարակշռված դիվանագիտություն VS Մանրադրամային քաղաքականություն
Աբովյան քաղաքում «Kia»-ն արմատից կոտրել է ծառն ու կողաշրջվել. կա 1 զոհ, 3 վիրավոր. մահացածը ՊՆ զինծառայող էր
Գեղասահքի աշխարհի առաջնությունում Հայաստանը կներկայացնեն Սեմյոն Դանիլյանցը, սպորտային զույգ Կարինա Ակոպովան և Նիկիտա Ռախմանինը
Նյու Յորքի օդանավակայանում ինքնաթիռը թռիչքուղու վրա բախվել է հրշեջ մեքենային, կան տուժածներ
Lայնածավալ պատերազմի զոհ դարձած արցախցիների բռնագաղթը ներիշխանական հարթությամբ հրամցվում է իբրև իրենց մշտական բնակության վայրն ինքնակամ թողնել՝ «փախուստ». Դանիելյան
Ավանում կրկին կոյուղատար համակարգի խափանում, կրկին հակասանիտարական վիճակ (տեսանյութ)
Նոր-Արեշ 15 փողոցի 5-րդ շենքի կոյուղագիծը վթարված է (տեսանյութ)
Հետևեք մեզ Facebook-ում
Հայաստանի պետական գերատեսչությունները խուսափում են նոր ճանապարհի գործարկման ժամկետների վերաբերյալ հարցերին կոնկրետ պատասխանելուց, մինչդեռ Ադրբեջանը շարունակում է ակտիվ շինարարությունը:
2020 թվականի նոյեմբերի 9-ի եռակողմ հայտարարության վեցերորդ կետը սահմանում է, որ «կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջև կապ ապահովող Լաչինի միջանցքով երթևեկության նոր երթուղու կառուցման պլանը, որին կհաջորդի այդ երթուղու պահպանման համար ռուսական խաղաղապահ զորակազմի վերատեղակայումը: Ադրբեջանը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով»:
Դեռ 2021-ի հուլիսին սոցցանցերի ադրբեջանական հատվածում հայտնվել էին քարտեզներ, որտեղ երևում է նոր երթուղին՝ Լաչինի միջանցքով ճանապարհները։
Ճանապարհը պետք է սկսվեր Հայաստանի Կոռնիձոր գյուղից (ներկայիս միջանցքից դեպի հարավ) և չընդգրկեր Բերձորը (Լաչինը) և Աղավնոն։
Այն ժամանակ Արցախի կառավարությունում Sputnik Արմենիայի հարցմանն ի պատասխան հայտնել էին, որ չեն տիրապետում նոր ճանապարհի կառուցման մասին տվյալներին։
2022-ի հունվարի վերջին սոցիալական ցանցերում հայտնվեց մեկ այլ լուսանկար, այս անգամ՝ կամուրջի կառուցումը Հակարի գետի վրա:
Լուսանկարն ուղեկցվում էր այն պնդումով, որ կամուրջը պետք է միացնի Կոռնիձոր (Հայաստան) գյուղից դեպի Հին Շեն (Արցախի Շուշիի շրջան) գյուղ տանող ճանապարհները:
Փետրվարին Ադրբեջանի Ավտոմոբիլային ճանապարհների պետական գործակալության վարչության նախագահ Սալեհ Մամեդովը հայտարարել էր, որ Բերձոր քաղաքը շրջանցող ավտոմոբիլային ճանապարհը շահագործման կհանձնվի մինչև այս տարվա հուլիս:
«28 կմ երկարությամբ այս ճանապարհը կմիացնի Լաչինի (Քաշաթաղի,– խմբ․) շրջանի 6 գյուղեր։ Արդեն կառուցվել է 17 կմ երկարությամբ հատվածը և կամուրջ Հագարի գետի վրա։ Ճանապարհը շահագործման կհանձնվի մինչև այս տարվա հուլիս»,-ասել էր Մամեդովը։
Տեղ համայնքի (որի կազմում է Կոռնիձոր գյուղը) ղեկավար Դավիթ Ղուլունցն այն ժամանակ Sputnik Արմենիային հայտնել էր, որ հայկական կողմից ոչ մի աշխատանք չի տարվում։ Միաժամանակ նա նշել էր, որ հայկական կողմից տեսնում են այն աշխատանքը, որն իրականացնում է ադրբեջանական կողմը։
Կոռնիձորի գյուղապետ Լուսինե Քարամյանը ևս Sputnik Արմենիային հայտնեց, որ հայկական կողմից որևէ աշխատանք չի իրականացվում։
«Պաշտոնական տեղեկատվություն այն մասին, որ ճանապարհը հենց այստեղով պետք է անցնի, չկա։ Դա նրանց (Ադրբեջանի.– խմբ․) կարծիքով է, նրանց ասածն է»,–ասաց Քարամյանը, հաստատելով, որ տեղի բնակիչները շինարարություն տեսել են։
Ընդ որում, ժամանակին հայկական կողմը գրունտային ճանապարհ է կառուցել, որն օգտագործվել է ուղիղ Արցախի Քաշաթաղի շրջանի հարավում գտնվող բնակավայրեր դուրս գալու համար։
Sputnik Արմենիան հարցումներ է ուղարկել ՀՀ արտաքին գործերի և տարածքային կառավարման նախարարություններ։ Արտաքին քաղաքական գերատեսչության պատասխանում մեջբերվում է Լաչինի միջանցքի նոր երթուղու վերաբերյալ եռակողմ հայտարարության 6-րդ կետի տեքստը:
«Հարցը քննարկվում է, այս պահին այլ տեղեկատվություն առկա չէ»,-ասված է հաղորդագրության մեջ:
Նույնատիպ ոչ այնքան բովանդակալից պատասխան են ուղարկել նաև ՀՀ տարածքային կառավարման և ենթակառուցվածքների նախարարությունից։
Արդեն 2022 թվականի ապրիլին մամուլը գրել էր այն մասին, որ Սյունիքի Խնձորեսկ գյուղի մոտակայքում Ադրբեջանը մաքսակետ է կառուցում։ Իսկ ճանապարհի՝ Սյունիքից մինչև Հին Շեն գյուղն ընկած հատվածը գրեթե պատրաստ է։
Արցախի Հին Շեն գյուղի գյուղապետ Մանվել Սարգսյանը Sputnik Արմենիային պատմեց, որ ադրբեջանցի բանվորներն արդեն մեկ ամիս է, ինչ գյուղի մոտակայքում ակտիվ շինարարություն են իրականացնում։
Նրանք արդեն շրջանցել են այն և շինարարությունը շարունակում են Մեծ Շեն գյուղի և դեպի Ստեփանակերտ գործող մայրուղու ուղղությամբ։ Մոտ մեկ շաբաթից կհասնեն այնտեղ։ Նա չի բացառում, որ մայրուղուն միացնելու աշխատանքները մինչև մայիս ավարտված կլինեն։
«Բաքվի կեսն այստեղ է աշխատում, ամեն մեկը որ մի շերեփ վերցնի, արագ կվերջացնեն աշխատանքը»,-ասաց Սարգսյանը։
Ինչ վերաբերում է ռուս խաղաղապահներին, նրանք գյուղի մոտ են և ապահովում են տեղի բնակիչների անվտանգությունը, բայց շինարարության գործընթացին չեն միջամտում։
Արցախի իշխանությունն ու Հայաստանի ղեկավարությունը հայտարարում են, որ իրենց վերահսկողության տակ գտնվող տարածքում շինարարության որևէ հաստատված ծրագիր չունեն։
«2022 թվականի կապիտալ շինարարության մեր ծրագրում ներկայում նման օբյեկտ չկա»,-Sputnik Արմենիային ասաց քաղաքաշինության նախարար Արամ Սարգսյանը։
Մինչդեռ արբանյակային լուսանկարները ցույց են տալիս, որ ճանապարհային աշխատանքներ են իրականացվում Հայաստանի սահմանից՝ Տեղ և Կոռնիձոր գյուղերի շրջանից մինչև Հին Շեն գյուղ և ավելի հեռու։
Աղբյուրը՝ armeniasputnik.am