Այդ ամառանոցում տեղի է ունեցել Իսրայելի և Թուրքիայի հատուկ բանագնացների հանդիպումը. քննարկվել է քրդական գազը Եվրոպա տեղափոխելու ծրագիրը
Օրեր առաջ իրանական կողմը հրթիռակոծել էր Իրաքի Քրդստան երկրամասում տեղակայված իսրայելական մի քանի հենակետեր։
Վերջին օրերի ընթացքում սակայն, Արևմտյան և իրանական լրատվականներում տարածվեց տեղեկություն առ այն, որ Էրբիլում իրանական հիթիռակոծության հիմնական նպատակներից մեկը եղել է էներգետիկ ոլորտում ակտիվ քուրդ գործարարներից մեկի ամառանոցի ոչնչացումը։
Նշվում է , որ այդ ամառանոցում տեղի է ունեցել Իսրայելի և Թուրքիայի հատուկ բանագնացների հանդիպումը, որի ընթացքում քննարկվել է քրդական գազը՝ Թուրքիայի տարածքով և Իսրայելի միջնորդությամբ, Եվրոպա տեղափոխելու ծրագիրը։
Իրաքի Քրդստանի երկրամասի վարչապետ Բարզանին իր հերթին, Դուբայից հայտարարել է, որ Քրդստանի նավթային ու գազային տարածքների զարգացումը կարող է հակասել Իրանի շահերին։
Այս ամենի ֆոնին՝ Իսրայելի կողմից Նեգևի համաժողովում փորձ է արվել համախմբել արաբական 4 պետություններին և ԱՄՆ-ին` հակաիրանական նոր ճակատ բացելու նպատակով։
Գագիկ Միսակյան
Հետևեք մեզ Facebook-ում