Արցախում լայնածավալ պատերազմի հավանականությունը գրեթե զրոյական է

Այս ամենը, սակայն, չի նշանակում, որ մենք նոր պատերազմի շեմին ենք։ Գոնե Արցախում լայնածավալ պատերազմի հավանականությունը գրեթե զրոյական է։ Ու պետք չի խուճապի մատնվել, որ տղամարդիկ գնում են դիրքեր կամ ռազմական դրության ժամանակ սահմանափակումներ են հայտարարվում։

 

Սիրելի Արցախցիներ, դուք ծանր պատերազմների միջով եք անցել, տեսել եք տարբեր դժվարություններ։ Ի տարբերություն 1988-2020 թվականների իրականության, երբ միայն հայկական բանակն էր Արցախի անվտանգության երաշխավորը, հիմա՝ 2022-ին, ռուսական խաղաղապահ զորքերը տեղակայված են Արցախում։

 

Սա չի նշանակում, թե ռուսները մեր փոխարեն կռվելու են Ադրբեջանի դեմ։ Էլի մենք ենք պահելու մեր հայրենիքը, բայց ձեր կարծիքով, ռուս խաղաղապահները Արցախում միլիարդավոր դոլարներ ծախսել են, որ թողնեն ու հեռանա՞ն։ Նրանք Արցախում են երկար ժամանակ մնալու համար, հետևաբար նախ թույլ չեն տա Ադրբեջանի կողմից լայնածավալ հարձակում, իսկ հարձակման դեպքում Ադրբեջանի համար դա կլինի ծանր հետևանքներով։

 

Զգոն լինենք, բայց խուճապի չմատնվենք։ Դա թշնամու ցանկությունն է։

 

Գիտեք, որ միշտ բաց տեքստով եմ խոսում։ Իմ հավաստի աղբյուրներն ասում են, որ առաջնագծում լայնածավալ պատերազմի վտանգ այս պահին չկա, իսկ ՊԲ-ի զորքի վերադասավորումները, առաջնագծում տեղակայվելը միայն լրացուցիչ ապահովության և թշնամու հնարավոր սադրանքները զսպելու համար են։