Իրանական «դիմադրության առանցք»-ի հիմնական նպատակն է Իսրայելի դեմ պայքարը, այդ թվում Ադրբեջանում

Իրանի կողմից ողջ տարածաշրջանում ստեղծվել և հովանավորվում են բազմաթիվ ռազմական և ռազմաքաղաքական կառույցներ, որոնք միասին վերցրած կոչվում են «դիմադրության առանցք», և որի հիմնական նպատակն է Իսրայելի դեմ պայքարը։

Այսպես, Իրաքի Քրդստան երկրամասի Էրբիլ քաղաքի իսրայելական կենտրոնի հրթիռակոծումից հետո իրանական սոցիալական ցանցերում ԻՀՊԿ անունից տարածվել են մի քանի հայտարարություններ և տեսահոլովակներ, որտեղ նշվել են «դիմադրության առանցքի» թիրախում գտնվող իսրայելական հենակետերը։

Այս ցանկում է հայտնվել նաև Ադրբեջանական Հանրապետությունը՝ այդ երկրում իսրայելական ներկայության պատճառով։ Բազմիցս նշվել է, որ ԱՀ-ԻԻՀ հակասությունները ունեն խորքային բնույթ և դրանց լուծումը միայն տնտեսական հարաբերությունների զարգացմամբ չի կարող իրականացվել, քանի որ Իրանում կան կառույցներ, որոնք չեն դադարելու աշխատել հակաադրբեջանական տիրույթում։

Իրանագետ Արտյոմ Տոնոյանի ֆեյսբուքյան էջից