Պաշտոնական Երևանը Վոլոդինին պատասխանում է Էդմոն Մարուքյանի առաջարկով

Ինչպես հայտնի է, այս տարվա հունիսի 1-ից Հայաստանի վարորդական իրավունքը Ռուսաստանում չի ճանաչվելու բիզնես գործունեություն իրականացնելու նպատակներով: Այսինքն, մասնավոր անձինք իրենց մեքենաներով կարող են շրջել Ռուսաստանի տարածքում` Հայաստանի վարորդական իրավունքով, սակայն բիզնես գործունեությամբ իրավունք չեն ունենալու զբաղվեն, բացառություն են կազմել միայն Բելառուսիայի և Ղրղզստանի քաղաքացիները, իսկ այդ արտոնություններից զրկվելու են Հայաստանի և Ղազախստանի վարորդները:

Ղազախստանի դեմ այս դեմարշը պայմանավորված է այն հանգամանքով, որ այդ երկիրը պատրաստում է իր լեզուն կիրիլիցայի բազայից փոխարինել լատինիցայով, ինչը Մոսկվայում գնահատել են որպես քայլ` Ռուսական ազդեցությունից դուրս գալու ուղղությամբ: Ղազախստանի այս որոշումը լուրջ մտահոգություններ է առաջացրել Կրեմլում: Ահա թե ինչու այստեղ որոշել են քայլեր ձեռնարկել զսպելու համար Ղազախստանի այս որոշումը: Սակայն այս գործընթացների արդյունքում, ինչպես է հաճախ է ստացվում, տուժվել են Հայաստանի քաղաքացիները, ովքեր մինչև հունիսի 1-ը նման պրոբլեմներ չէին ունենում Ռուսաստանում: Հասկանալի է, որ եթե Ռուսաստանն ուզում է պատժել Ղազախստանին, ապա չի կարող բացառություն անել Հայաստանի համար, որտեղ ռուսաց լեզուն պետական կարգավիճակ ընդհանրապես չունի: Ի դեպ նույն Ղազախստանում ռուսերենը ունի պետական կարգավիճակ, բայց Ղազախստանցի վարորդները նույնպես զրկվել են այդ արտոնություններից: Հասկանալի է, որ այս ռուս- ղազախական խուլ հակամարտության արանքում տուժեցին հայաստանցիները, և Հայաստանի իշխանությունները հերթական անգամ հայտնվեցին փակուղու առջև: Վերջերս ազգային ժողովի նախագահի այցի ընթացքում Մոսկվա հայկական կողմից բարձրացվել է այդ հարց: Պետդումայի նախագահ Վյաչեսլավ Վոլոդինը պատասխանել է, որ եթե հայերը ուզում են չզրկվել այդ արտոնություններից, ապա ղրղզների և բելառուսների պես պետք է ռուսերենին տան պետական կարգավիճակ:

Հասկանալի է, որ Հայաստանը ոչ Բելառուսիա է, ոչ էլ` Ղրղզստան, որտեղ բնակչության 95 տոկոսը հայ է: Պարզ է, որ հայկական կողմը չի կարող բավարարել ռուսների պահանջը: Սակայն այս ամենի արդյունքում իշխանությունների վարկանիշը հերթական անգամ ընկնում է սեփական ժողովրդի աչքում, որովհետև իշխանությունը չի կարող համարժեք արձագանքել Վոլոդինի պահանջին: Ահա թե ինչու իշխանությունների այս բացը լրացնում է «Ելք» դաշինքը` ի դեմս Էդմոն Մարուքյանի: Ակնհայտ է, որ նրա այս քայլը ուղղորդվում է պաշտոնական Երևանի կողմից` ցույց տալու Մոսկվային, որ հայ հասարակությունը դժգոհ է այս իրավիճակից:

Մի կողմից իշխանությունը փորձում է լիցքաթափել այս իրավիճակը, իսկ մյուս կողմից նա փորձում է բարձրացնել իր կշիռը ռուսների աչքում` մոտավորապես հետևյալ թեմայով. Տեսեք, թե հայ հասարակությունը ինչքան դժգոհ է Մոսկվայից, բայցև իշխանություններն ամեն ինչ անում են, որպեսզի այդ դժգոհությունը թուլացնեն:

Փաստացի Հայաստանի ներկայիս ընդդիմությունը գտել է իր գլխավոր առաքելությունը: Քանի որ այս ընդդիմություն կոչվածը լուրջ և ինքնուրույն սուբյեկտ չէ, փաստացի իր վրա է վերցրել կատարելու մանր – մունր մանրադրամի գործեր` թե ներքին և թե արտաքին քաղաքականության ոլորտներում:
Սա է իրականությունը:

Արտակ Հակոբյան