ՌԴ ռազմական գործողությունն ընթանում է ըստ պլանի, միևնույն ժամանակ մենք ցանկանում ենք տեսնել ապառազմականացված եւ բարեկամական Ուկրաինա․ Լավրով
Ուկրաինայում ռուսական հատուկ գործողությունն ընթանում է ըստ պլանի, հայտարարել է ՌԴ ԱԳ նախարար Սերգեյ Լավրովը։
«Եթե պատասխանենք այն հարցին, թե ինչպես է ծավալվում հատուկ ռազմական գործողությունը, ապա այս գնահատականները տալիս են առաջին հերթին մեր պաշտպանության նախարարության ներկայացուցիչները, և ամենակարևորը՝ նախագահը՝ որպես գերագույն գլխավոր հրամանատար։ Նա մեկ անգամ չէ ընդգծել, որ, ընդհանուր առմամբ, հատուկ գործողությունն ընթանում է ըստ պլանի»,- ասել է Լավրովը Ուկրաինայի արտգործնախարար Դմիտրի Կուլեբայի հետ բանակցություններից հետո։
ՌԴ ԱԳ նախարար Սերգեյ Լավրովի հնչեցրած մյուս կարևոր թեզերից նշենք հետևյալը.
- Մոսկվան տրամադրված է Կիեւի հետ բանակցություններում լուրջ երկխոսության
- Ռուսաստանը պահանջում է ԱՄՆ-ից բացատրել Ուկրաինայում կենսաբանական գործունեությունը,
- Ուկրաինան ուսումնասիրում է հակամարտության կարգավորման ռուսական նախագիծը.
- ՌԴ-ն ցանկանում է, որ Ուկրաինան լինի ապառազմականացված ու բարեկամական, որտեղ չի արգելվի ռուսական մշակույթը.
- Առաջին անգամը չէ, որ պաթետիկ ճչոցներ ենք լսում, Մարիուպոլում ծննդատունն օգտագործվել է որպես «Ազով» գումարտակի բազա:
Հիշեցնենք՝ այսօր Անթալիայում տեղի է ունեցել հանդիպում Ռուսաստանի և Ուկրաինայի արտգործնախարարներ Սերգեյ Լավրովի և Դմիտրի Կուլեբայի միջև՝ միջնորդ կողմի՝ Թուրքիայի արտգործնախարար Մևլութ Չավուշօղլուի ներկայությամբ։ Կողմերն առայժմ չեն հասել հրադադարի մասին որոշման։
Zham.am
Հետևեք մեզ Facebook-ում