Իրանն ու Ադրբեջանը քննարկել են նավթի եւ գազի ոլորտում համագործակցությունը

Իրանի նավթի նախարար Ջավադ Օվջին եւ SOCAR-ի գործադիր տնօրեն Ռովնագ Աբդուլլաեւը քննարկել են Կասպից ծովի տարածաշրջանում էներգետիկ հարաբերությունների զարգացումը եւ համագործակցության ամրապնդումը, փոխանցում է Mehr-ը։

Հանդիպման ընթացքում Օվջին ընդգծել է նավթի եւ գազի ոլորտում Թեհրանի եւ Բաքվի միջեւ երկկողմ հարաբերությունների եւ համագործակցության զարգացման կարեւորությունը։

Կողմերը քննարկել են նաեւ գազային համագործակցության զարգացումը, Իրանի, Ադրբեջանի եւ Թուրքմենստանի միջեւ սվոպային գազի շուրջ եռակողմ համաձայնագրի իրականացումն ու գործարքի փուլերի նախապատրաստումը։

Աղբյուր՝ NEWS.am