Պուտինն իր վրա փորձարկել է կորոնավիրուսի դեմ ռնգային պատվաստանյութը

ՌԴ նախագահ Վլադիմիր Պուտինը հայտարարել է, որ իր վրա փորձարկել է կորոնավիրուսի դեմ ռնգային պատվաստանյութը, հայտնում է ՏԱՍՍ-ը։

«Ինձ մոտ ոչ մի արտառոց բան չկա, լռիվ դասական դեպք, պատվաստումից ուղիղ վեց ամիս անց իմ պաշտպանիչ տիտրերը նվազեցին, եւ մասնագետները խորհուրդ տվեցին վերապատվաստման ընթացակարգ իրականացնել, ինչն էլ ես արեցի մի քանի օր առաջ»,- ասել է պետության ղեկավարը: «Սկզբում արեցի դա ներարկման տեսքով, իսկ հաջորդ օրը Դենիս Յուրիեւիչի հետ (Լոգունով` Ն.Ֆ. Գամալեյայի անվան համաճարակաբանության եւ մանրէաբանության ազգային հետազոտական ​​կենտրոնի փոխտնօրեն) զրույցից հետո նա ինքն անցկացրեց այս ընթացակարգի երկրորդ մասը, այն է՝ ռնգային ձեւի այս փոշին»,- ասել է Պուտինը։ Նա բոլոր ռուսներին կոչ է արել ժամանակին վերապատվաստել կորոնավիրուսի դեմ։