Թելման Իսմաիլովից խլել են հայազգի գործարարից գնված առևտրի կենտրոնը (տեսանյութ)

Ամերիկյան Լաս Վեգասում կալանքի տակ է դրվել մի քանի միլիոն դոլար արժողությամբ առևտրի կենտրոնը, որը պատկանում է ադրբեջանցի օլիգարխ Թելման Իսմաիլովին, հաղորդում է «Коммерсант»-ը:

Նշվում է, որ «Банк Москвы»-ի հայցով, որին օլիգարխը պարտք է մի քանի հարյուր միլիոն դոլար, Թելման Իսմաիլովի սեփականության վրա կալանք է դրվել: Բանկն իր հայցում մեղադրել է օլիգարխին խարդախության մեջ, քանի որ նա, հրաժարվելով վճարել վարկերը Ռուսաստանում, դուրս է բերել կապիտալը արտասահման և անշարժ գույք ձեռք բերել բարեկամների անուններով:

Այն մասին, որ Թելման Իսմաիլովը ակտիվներ ունի ԱՄՆ-ում, նրա վարկատուները «Банк Москвы»-ից իմացել են կիպրոսյան դատարանի շնորհիվ: Այս տարվա փետրվարի 22-ին բանկի իրավաբանները դիմել էին Նիկոսիայի շրջանային դատարան, պահանջելով տրամադրել «Vesto Trading Limited» ընկերության հաշիվներին  վերաբերող տեղեկատվությունը, գրանցված Սեյշելյան կղզիներում և պատկանող Իսմաիլովին:

Կիպրոսյան դատարանը բացահայտեց տեղեկատվությունն այն մասին, որ դեռ 2014 թվականին, երբ «Руслайн 2000» ՍՊԸ-ն դադարեց սպասարկել այնտեղ ստացված վարկը, ավելի քան 8 մլն դոլար «Vesto Trading Limited»-ի կողմից ԱՄՆ-ում օգտագործվել է Լաս Վեգասում «Craig Valley Plaza» առևտրի կենտրոնի ձեռքբերման համար: Հինգ մեկհարկանի շենքերից բաղկացած այդ առևտրի կենտրոնը մոտ 7 հազար քառակուսի մետր մակերեսով ավելի վաղ պատկանում էր  Սեմ Նազարյանի ընտանիքին: Ներկայում դրա սեփականատերերն են «Marker Craig LLC» և «Marker LLC» ընկերությունները, որոնք գտնվում են Թելման Իսմաիլովի բարեկամուհի Նաիլա Սաբիխովայի վերահսկողության տակ:

Ստորև ներկայացնում ենք Սեմ Նազարյանի մասին պատմող տեսանյութը:

Zham.am