Իրանի սահմանապահ զորքերի ղեկավար Ահմադ Ալի Գուդուրզին մեղադրել է Ադրբեջանին Հայաստանի դեմ գործողությունների մեջ

Իրանական «Mehr» լրատվականը հայտնում է, որ իրանական սահմանապահ զորքերի ղեկավարը նշել է, որ Ադրբեջանը Իսրայելի զինվորականներին հրավիրել է Իրանի հետ սահմանին, որոնց թիվը ներկայումս անհայտ է: Ըստ գեներալ Գուդարզիի, Իլհամ Ալիեւի այս լկտի պահվածքը պայմանավորված է Իսրայելի աջակցությամբ: Դրանով է պայմանավորված Ալիեւի լկտի հայտարարությունները ուղղված Հայաստանին, այսպես կոչված «Զանգեզուրի միջանցքի» մասին նրա հայտարարությունները նույնպես պայմանավորված են իսրայելական գործոնով:

Ըստ Գուդարզիի, Իրան-Հայաստան ճանապարհի փակումը նույնպես իսրայելական ծրագիր է, որը չի իրականացվի իրանական ակտիվ գործողությունների պատճառով: Գուդարզին կրկին զգուշացրել է Ադրբեջանի ղեկավարությանը, որ իրենց քայլերով նրանք «կրակի հետ են խաղում», և որ Թեհրանի համբերությունը չի կարող անվերջ լինել:

Հիշեցնենք նաև, որ միևնույն ժամանակ, Անկարայում ընթանում են քաղաքական խորհրդակցություններ Թուրքիայի և Իրանի արտաքին գերատեսչությունների միջև, որտեղ քննարկման առանցքային թեմաներից է Հարավային Կովկասի իրավիճակը:

Zham.am