Իրանի ԱԳՆ ղեկավարը նշել է, որ Ղարաբաղի տարածքում հայտնված ահաբեկիչները Հարավային Կովկասում Թեհրանին անհանգստացնող բաներից մեկն է. Տեսանյութ

Իրանի ԱԳ նախարար Հոսեյն Ամիր Աբդոլլահիանը հարցազրույց է տվել «Россия 24» հեռուստաալիքին, որում անդրադարձել է ՌԴ ԱԳ նախարարի հետ հանդիպմանը, տարածաշրջանում տիրող իրավիճակին:

«Հայաստանն ու Ադրբեջանը մեր լավ հարևաններն են ու մենք չենք կարող աշխատել նրանցից մեկի հետ՝ ընդդեմ մյուսի: Մեր արտաքին քաղաքականությունը հավասարակշռված է»,- ասել է Հոսեյն Ամիր Աբդոլլահիան: «Ի՞նչն է մեզ անհանգստացնում Հարավային Կովկասում»,- հարցադրում է հնչեցրել Իրանի արտաքին գերատեսչության ղեկավարն ու նշել.

«Որոշ օտար ուժեր փորձում են ազդել տարածաշրջանի վրա՝ սահմանները փոխելու, սահմանային անցումները փակելու կամ տեղափոխելու համար: Միևնույն ժամանակ, մենք ուշադրություն ենք հրավիրում ահաբեկիչների վրա, որոնք հայտնվել են Ղարաբաղի պատերազմի ժամանակ: Պետք է նշեմ նաև Ադրբեջանի տարածքից մեր տարածաշրջանում սիոնիստական ռեժիմի սադրիչ շարժը: Մենք դա անթույլատրելի ենք համարում, բայց այս ամենը պետք է կարգավորենք բարի-դրացիական մթնոլորտում»: Պաշտոնյան անդրադարձել է նաև Լավրովի հետ հանդիպմանը Հարավային Կովկասի խնդիրները «3+3» ձևաչափով քննարկելու առաջարկին:

Տեսանյութն, այստեղ

 Zham.am