Hamshahri (Իրան). Անկարայի և Երևանի միջև կան շփումներ ինչպես հատուկ ծառայությունների, այնպես էլ քաղաքական «գծով»

ԱՄՆ նախագահ Ջո Բայդենի և Թուրքիայի նախագահ Ռեջեփ Թայիփ Էրդողանի կառավարությունների միջև լարվածության նոր փուլի ֆոնին Թուրքիան կրկին փորձում է ամրապնդել իր հարաբերությունները Ռուսաստանի հետ: Ի՞նչ պետք է սրանից ակնկալել: Այս հարցի մասին գրում է իրանական «Hamshahri» թերթը: Հոդվածում կա հատված՝ նվիրված նաեւ Հայաստանին:

Չնայած առկա բոլոր հակասություններին, Մոսկվայի հետ համագործակցությունն ամրապնդելու Անկարայի վճռականությունը, կարծես, շատ լուրջ հարց է, և ոչ թե պարզապես ցուցադրական բան: Եվ պետք է հասկանալ, որ երբ Թուրքիայի արտաքին քաղաքականությունը վեկտորը դեպի արևելք փոխվելու պարագայում, ամեն ինչ չի սահմանափակվի միայն Ռուսաստանով, քանի որ կան նաև տարածաշրջանային այլ խաղացողներ: Օրինակ, միայն վերջին մեկ տարում Թուրքիան փորձեր է ձեռնարկել նվազեցնելու լարվածությունը որոշ արաբական երկրների հետ (օրինակ՝ Սաուդյան Արաբիան, Եգիպտոսը, ԱՄԷ) և պատրաստակամություն է հայտնել «վերանայել» իր հարաբերությունները Իսրայել պետության հետ:

Եվ այդ փորձերը, բացառությամբ, թերեւս, Սաուդյան Արաբիայի, իրենց դրական արձագանքն են գտնում այլ երկրների կողմից: Պարզապես հիշեք, որ ԱՄԷ-ի միանգամից 3 ներդրումային հիմնադրամ պատրաստակամություն հայտնեց գրեթե հինգ միլիարդ դոլար ներդնել թուրքական տնտեսության մեջ:

Իրական բեկումներ կան. օրինակ, լավատեղյակ աղբյուրները հայտնում են, որ Թուրքիան, թեև մինչ այժմ բավականին գաղտնի, բայց ջանքեր է գործադրում Հայաստանի հետ հարաբերությունները կարգավորելու համար: Ավելին, սա, ավելի շուտ, վերջնական նպատակ ունի` դրական արձագանք ստանալ Մոսկվայում, քան Արևմուտքում: Սակայն դրա հետ մեկտեղ բոլորովին վերջերս ականատես եղանք, թե ինչպես է Թուրքիան Լեռնային Ղարաբաղի հակամարտությունում հանդիսանում Ադրբեջանի գլխավոր դաշնակիցը համաշխարհային ասպարեզում:

Եթե ​​հավատանք «Ալ-Ջազիրա» (Al Jazeera) հեռուստաալիքի հաղորդագրություններին, Անկարայի և Երևանի միջև կան շփումներ ինչպես հատուկ ծառայությունների, այնպես էլ քաղաքական գծով, որոնք ուղղված են երկկողմ հարաբերությունների կարգավորմանը և նույնիսկ սահմանների բացմանը: Եվ այս ամենը, միանշանակ, հետագայում միայն օգուտ կտա Ռուսաստանի հետ Թուրքիայի երկխոսությանը:

Zham.am