Ադրբեջանը Իրանում բեռնափոխադրման երկաթուղային հանգույցներ կկառուցի

Ադրբեջանի և Իրանի երկաթգծային գերատեսչությունների միջև կայացել է «Աստարայի բեռնման-բեռնաթափման  տերմինալի կառուցման և շահագործման» պայմանագրի նախագծի ստորագրում: 

Փաստաթուղթը ստորագրել են գերատեսչությունների ղեկավարներ Ջավիդ Ղուրբանովը և Սաիդ Մոհամաձադեն:

Պայմանագիրը նախատեսում է Իրանի տարածքում 1.4 կմ երկարությամբ երկաթգծի և 4 տերմինալների կառուցում «Ադրբեջանական երկաթգծեր» ՓԲԸ-ի աջակցությամբ: Համաձայն փաստաթղթի,  «Ադրբեջանական երկաթգծեր» ՓԲԸ-ն կվարձակալի վերը նշված երկաթգիծը 15 տարի ժամկետով, իսկ տերմինալները՝ 25: 

Ստորագրման արարողության ժամանակ գերատեսչությունների ղեկավարները նշեցին, որ այդ նախագիծը կծառայի երկու երկրների կապերի ամրապնդմանը երկաթգծային ոլորտում:

Zham.am