Որքա՞ն գումար է նվիրաբերել ռուսաստանաբնակ հայ գործարարը Զինվորի տանը

«Ասել, թե տպավորված եմ, նշանակում է ոչինչ չասել»: 

Կամո և Լիռա Ավագումյանները 100.000.000 դրամ նվիրաբերեցին Զինվորի Տանը 

Վերականգնողական կենտրոնի գործունեությանը ծանոթանալուց հետո որոշեցին, որ իրենց ընտանիքն էլ պետք է մասնակից լինի հայրենիքի պաշտպանության ժամանակ վիրավորված տղաների վերականգնողական ծրագրերին: Ավագումյաններն իրենց ընտանիքի հիմնադրած Լիռա-Ա բարեգործական հիմնադրամի միջոցով այցելության հենց հաջորդ օրը կատարեցին նվիրաբերություն:

«Այստեղ զինվորների բուժման պայմանները կարելի է համեմատել աշխարհի լավագույն բուժհաստատությունների և անգամ բարձրակարգ հյուրանոցների հետ», - նշեց Կամո Ավագումյանը:

Տիկին Լիռան հուզված էր, պատմեց, որ իրենց ընտանիքը ևս տեսել է պատերազմի արհավիրքները: Ավագումյանների որդին ծնվել է Արցախում՝ առաջին պատերազմի ժամանակ, ռումբերի պայթյունների ներքո: Այնպես որ իրենք շատ լավ են պատկերացնում պատերազմն ու դրա հետևանքները և փորձում հնարավորինը աջակցել հայրենիքի պաշտպանության ժամանակ վիրավորված մեր տղաներին:

Շուշան Դանիելյանի ֆեյսբուքյան էջից