Երեւանում շարունակվում է Ռոբերտ Քոչարյանի եւ Արմեն Գեւորգյանի գործով դատական նիստը. Տեսանյութ

Երեւան քաղաքի Շենգավիթ վարչական շրջանի ընդհանուր իրավասության դատարանում շարունակվում է ՀՀ երկրորդ նախագահ Ռոբերտ Քոչարյանի եւ նախկին փոխվարչապետ Արմեն Գեւորգյանի գործով դատական նիստը։ Հիշեցնենք, որ նախորդ նիստն ուղեկցվել է սկանդալով։ Այն բանից հետո, երբ դատավոր Աննա Դանիբեկյանը հետաձգել է փաստաբաններ Էրիկ Ալեքսանյանի եւ Հովհաննես Խուդոյանի կողմից ներկայացված միջնորդությունների քննարկումը, Ալեքսանյանը դատավորին մեղադրել է ոչ օբյեկտիվության մեջ եւ պահանջել հետաձգել նիստը, որպեսզի կարողանա դատավորին բացարկ հայտնելու մասին միջնորդություն պատրաստել։ Դանիբեկյանը համարել է, որ անհրաժեշտություն չկա հետաձգելու նիստն ու առաջարկել է հնչեցնել միջնորդությունը, երբ այն պատրաստ կլինի։ Արդյունքում փաստաբան լքել է նիստերի դահլիճը՝ չնայած դատավորի հայտարարությանը, որ նա թույլ չի տալիս հեռանալ։ Դատախազ Գեւորգ Բաղդասարյանը հայտարարել է, որ պաշտպանության կողմ գործողությունները նպատակ ունեն թույլ չտալ ընթերցել մեղադրական եզրակացության եզրափակիչ մասը։ Հաշվի առնելով փաստաբանի բացակայությունը՝ դատավորը ստիպված է եղել հետաձգել նիստը։