Ազատման դիմում եմ ներկայացրել. Արման Խաչատրյան

«Զանգվածային լրատվության միջոցների հարգելի գործընկերներ, տեղեկացնեմ, որ այսօր Բարձրագույն դատական խորհրդի նախագահի պաշտոնակատարին ազատման դիմում եմ ներկայացրել:

Բարձրագույն դատական խորհրդի, դատական իշխանության վերաբերյալ ձեզ հետաքրքրող հարցերը կարող եք ուղղել դատական իշխանության պաշտոնական կայքում՝ www.court.am –ում նշված էլեկտրոնային հասցեներով և հեռախոսահամարներով:

Սիրելի գործընկերներ, ուզում եմ առանձնահատուկ շնորհակալություն հայտնել բոլորիդ առողջ և կառուցողական համագործակցության համար: 

Շնորհավորում եմ նաև մեր գեղեցկուհի գործընկերուհուն՝ Լիլիթ Շաբոյանին պետական ծառայության անցնելու կապակցությամբ: 

Հարգանքով՝ Բարձրագույն դատական խորհրդի աշխատակազմի Մամուլի և հասարակայնության հետ կապերի ծառայության պետ, Դատական ծառայության առաջին դասի խորհրդական Արման Խաչատրյան»։

Հ.Գ. Հիշեցնենք, որ օրերս «Հրապարակ»-ը գրել է, որ Բարձրագույն դատախան խորհրդի նախագահի ժամանակավոր պաշտոնակատար Գագիկ Ջհանգիրյանն այնքան է ոտքը պնդացրել, որ արդեն սեփական թիմն է ձեւավորում:

Ջհանջիրյանը, մեր տեղեկություններով, Factor.am կայքի լրագրող Լիլիթ Շաբոյանին առաջարկել է դառնալ իր մամուլի խոսնակը: