Ադրբեջանի զինված ուժերի քանակը կավելացվի. Իլհամ Ալիև
Հայաստանը պետք է գիտակցի, որ Ադրբեջանը կշարունակի ուժեղանալ, և դա` անկասկած, ասել է Ադրբեջանի նախագահ Իլհամ Ալիևը:
«Ներառյալ, մեր ռազմական հզորությունը կաճի: Պատերազմից հետո արդեն տրվել են համապատասխան հանձնարարականներ, կնքվել են նոր պայմանագրեր, սկսվել է ժամանակակից տեխնոլոգիաների հիման վրա նոր զենք և տեխնիկա ձեռք բերելու գործընթացը: Զինված ուժերում կառուցվածքային փոփոխություններ են կատարվել կարող եմ ասել, որ զինված ուժերի քանակը կավելանա: Ճիշտ վերլուծելով ղարաբաղյան երկրորդ պատերազմի արդյունքները և դրա ընթացքը, մենք, անշուշտ, կամրապնդենք մեր ռազմական հզորությունը», - ասել է Ալիևը:
Նա նաև կրկին սպառնալիքներ է հնչեցրել Հայաստանի հասցեին.
«Եթե Հայաստանը չհրաժարվի Ադրբեջանի նկատմամբ իր թշնամական քաղաքականությունից, ապա ոչ միայն չի կարողանա զարգացնել իր ռազմական հզորությունը, վերականգնել ոչնչացված բանակը, այլ նաև միևնույն ժամանակ վերականգնել տնտեսական ակտիվությունը»:
«Ուստի մենք միայն կամրապնդվենք», - շեշտել է Իլհամ Ալիևը:
Zham.am
Հետևեք մեզ Facebook-ում