Իրանը նոր նախագահ կունենա. Ռոհանին գիտի նրա անունը և շնորհավորել է իրեն

Իրանի նախագահ Հասան Ռոհանին հայտարարել է, որ արդեն հայտնի է, թե ով է հաղթել երեկ անցկացված նախագահական ընտրություններում: Նա շնորհավորել է հաղթողին, սակայն չի բացահայտել նրա անունը, հաղորդում է «ՌԻԱ Նովոստի»-ն:

«Շնորհավորում եմ ժողովրդի ընտրած թեկնածուին: Քանի որ այդ մասին դեռ պաշտոնապես չի հայտարարվել, ես մի փոքր հետաձգելու եմ պաշտոնական շնորհավորանքները՝ հաշվի առնելով օրենքը: Հասկանալի է, թե ով է ստացել անհրաժեշտ քանակի ձայներ», - ասել է Ռոհանին՝ հույս հայտնելով, որ 45 օրից հաղթողը կստանձնի նախագահի պարտականությունները:

Երեկ՝ հունիսի 18-ին Իրանում տեղի են ունեցել նախագահական ընտրություններ, որին մասնակցել է Իրանի դատական իշխանության ղեկավար Իբրահիմ Ռաիսին, Ընդունված որոշումների նպատակահարմարության խորհրդի քարտուղար Մոհսեն Ռեզան և Իրանի խորհրդարանի փոխնախագահ Հոսեյն Ղազիզադե Հաշեմին, ինչպես նաև ռեֆորմատոր և Իրանի Կենտրոնական բանկի նախկին ղեկավար Աբդոլնասեր Հեմաթին։ 

Գործող նախագահ Հասան Ռոհանին չի մասնակցել ընտրություններին, քանի որ այլևս չէր կարող իր թեկնածությունն առաջադրել:

Zham.am