ԱՄՆ-ն կրճատել է Հայաստանին տրվող օգնությունը 67 %, Ադրբեջանին՝ 90 %

Ինչպես հաղորդում է «Massis Post»-ը, ԱՄՆ նախագահ Դոնալդ Թրամփի վարչակարգը հրապարակել է 2018 թվականի  բյուջեի խորհրդատվությունները Կոնգրեսին, որով նախատեսվում է բյուջեի զգալի կրճատում:

Նոր փաստաթղթում զգալի կրճատվել է արտասահմանյան պետություններին տրամադրվող ֆինանսական օգնությունը:

Համաձայն փաստաթղթի՝ Հայաստանին տրամադրվող օգնությունը կկրճատվի 67 տոկոսով՝ 20.4 մլն դոլարից դառնալով մոտ 7 մլն:  Ադրբեջանին տրամադրվող օգնությունն էլ կկրճատվի 90 տոկոսով, կազմելով՝ մեկ միլիոն դոլար:

Բացի այդ, բյուջեով վերահաստատվել է 907-րդ ուղղումը, որով արգելվում է Ադրբեջանին օժանդակություն տրամադրել, քանի դեռ նա չի վերացրել Հայաստանի շրջափակումը:

Zham.am