Մասնակցեք ընտրություններին և ոչ մի դեպքում ձեր ձայնը մի տվեք դավաճան թիմին․ «Ազատագրում» շարժում

«Ազատագրում» շարժումը և շարժման համահիմնադիր Սամվել Հակոբյանը խնդրանքով ու պահանջով  դիմում են Հայաստանի Հանրապետության քաղաքացիներին։

«Մեր շարժումն իր ստեղծման պահից պայքարել է Նիկոլ Փաշինյանի դավաճանական ռեժիմի դեմ։ Մայիսի 12-ին թուրքը ներխուժեց ՀՀ սուվերեն տարածք, Նիկոլ Փաշինյանը պնդում է , որ մենք ունենք խաղաղություն։ Այս խաղաղության պայմաններում մենք ունենք գերիներ, ունենք զոհեր, զավթված տարածք ունենք կոտրված արժանապատվություն։

Հունսիի 18-ին «Ազատագրում» շարժումը կատարեց իր առաջին այցը սահման։ Մեր ընկերների, մեր աջակիցների, մեր եղբայրների միջոցներով հավաքեցինք օգնություն, ջերմադիտակներ, հեռադիտակներ, գիշերային դիտարկման սարքեր և այլ զինվորներին անհրաժեշտ իրեր։ Այցի նպատկը ոչ միայն օգնությունն էր, այլև ուզում էինք մեր սեփական աչքերով տեսնել, թե ինչ պայմաններում է ապրում մեր զինվորը, ինչ պայմաններ է ՊՆ-ն ապահովել մեր  եղբայրներին, որոնք պաշտպանոմւ են մեր բոլորի անդորրը։ Այն ինչ ենք տեսանք պարզապես խայտառաություն էր, մեր տղաները չունեն այն, ինչ անհարժեշտ է որպեսզի նրանք ի վիճակի լինեն պաշտպանելու մեր տարածքը»,- ասաց Սամվել Հակոբյանը։

Նա նշեց, որ կարևոր է, որ հունիսի 20-ին ցանկացած քաղաքացի պետք մասնակցի ընտրություններին․ «Ցանցկած հայ, ով ձայն կտա Նիկոլ Փաշինյանին ռիսկի տակ է դնում մեր տղաներին, մեր ծնողներին, մեր պետությունն ու մեր արժանապատվությունը։ Մասնակցեք ընտրություններին և ոչ մի դեպքում ձեր ձայնը մի տվեք դավաճան թիմին»։