Փաշինյանն ինքն էր նետվում օլիգարխների նետած կոնֆետների հետևից՝ ճանկռտելով ասֆալտը. Գեղամ Նազարյան
Ընտրարշավից անցել է ընդամենը 2-3 օր, և Նիկոլ Փաշինյանի հիմնական զբաղմունքը բանակը, հայ զինվորին վարկաբեկելն է։ Այս մասին այսօր կայացած մամուլի ասուլիսին հայտարարեց «Հայաստան» դաշինքի անդամ Գեղամ Նազարյանը։
«Առայժմ գործող վարչապետի պաշտոնակատարը շարունակում է վարկաբեկել մեր զինվորին, մեր բանակը և անում այնպիսի հայտարարություններ, որոնք անգամ թշնամին իրեն թույլ չէր տա անել։ Ասում էր՝ զինվորները նետվում էին կոնֆետների հետևից, մնում է ասել, որ ինքն էլ նետվում էր օլիգարխների նետած կոնֆետների հետևից՝ ճանկռտելով ասֆալտը, այդ կոնֆետն ստանալու համար գրում էր հոդվածներ կամ չէր գրում․ մեր աչքի առաջ է եղել՝ ինչ էր անում, որ օլիգարխների նետած կոնֆետին հասներ»,-ասաց նա՝ նշելով, թե վարչապետի պաշտոնում այդ «կոնֆետի» համար ավերեց մի ամբողջ երկիր։
Ըստ Նազարյանի՝ Փաշինյանը, հասկանալով, որ հաղթելու շանս չունի, վարկանիշը կտրուկ անկում է ապրում և անում է ամեն ինչ, որ իրավիճակը հասցնի բախումների։
Հետևեք մեզ Facebook-ում