Պետք է ճնշում գործադրել Փաշինյանի եւ իշխանության վրա․ Արամ Գաբրելյանով
Ռուսաստանաբնակ հայ մեդիագործիչ Արամ Գաբրելյանովը իր տելեգրամյան ալիքում գրում է․ «Ինձ հաճախ հարցնում են, թե ինչ է հիմա տեղի ունենում Հայաստանում եւ ինչու է նման «բարդակ»։ Առաջին՝ քաղաքական դաշտում երեք ֆիգուր են խաղում։ Գլխավորը՝ Ռուսաստանն է։ Երկրորդը՝ Թուրքիան եւ Ադրբեջանը, երրորդը՝ Հայաստանը։
Թուրքերը հասկանում են, որ իրենց քիչ ժամանակ է մնացել։ Գործում են հետեւյալ սկզբունքով՝ երկաթը ծեծիր, քանի դեռ Փաշինյանն է։ Նախագահ Ալիեւը հիանալի հիշում է Էլչիբեյին։ Եւ նա հասկանում է, որ Քոչարյանը շատ արագ կկարողանա Հայաստանում՝ իշխանությունն ու բանակը կարգի բերել։ Այնպես, ինչպես կարգի բերեց Իլհամի հայրը, իշխանության վերադառնալուց հետո։ Ալիեւը հասկանում է Քոչարյանի ուժը։ Դա նրա գլխում է դեռ երիտասարդ ժամանակներից։ Ռուսաստանը որպես կանոն ձգելու է մինչեւ վերջ։ Հատկապես, որ Կրեմլի շրջապատում ադրբեջանամետ բավականին շատ ուժեր կան, որոնց Քոչարյանի գալն իշխանության պետք չէ։ Քոչարյանը Կրեմլում ունի մեկ բարեկամ ու դաշնակից, որը եւ հենց Կրեմլն է՝ Պուտինը։ Ալիեւը հասկանում է, որ Պուտինը իր սկզբունքներից ելնելով, իր ընկերներին երբեք չի դավաճանի, ուստիեւ Իլհամը շտապում է։ Ինչ կլինի հետո։ Փաշինյանը թքած ունի Հայաստանի եւ նրա ժողովրդի վրա։ Նա վախենում է հատուցումից, որը վրա կհասնի անմիջապես, հենց որ կորցնի իշխանությունը։ Ուստիեւ Նիկոլը կգնա ամեն ինչի՝ տարածքների հանձնմանը, ամեն ինչի։ Նրա բարբաջանքները լսել պետք չէ։ Նա ստում է։Հայաստանը ունի մեկ հնարավորություն՝ համառել ու դիմադրել, ճնշել Փաշինյանի եւ իշխանության վրա, որպեսզի նա չհամարձակվի հանձնել կամ ստորագրել։ Եվ բացատրել տխմարացած հայերին, որ հունիսի 20-ին ազգի ճակատագիրն է որոշվելու։ Ազգը կապրի կամ կմահանա»։
Հետևեք մեզ Facebook-ում