Ինչու նախկիններին չէր կարելի գործարարներին բերել ԱԺ, իսկ ներկաներին կարելի է․ Մակունցի մեկնաբանությունը. Տեսանյութ
Հայաստանում փոքր կրպակից մինչեւ մեծ ընկերություն ունեցողները բոլորը համարվում են գործարարներ․ բոլոր այն դեպքերում, երբ այդ անձինք անկախ բիզնեսի չափերից հայտ են ներկայացնում քաղաքականությամբ զբաղվելու, նման դեպքերի համար ՀՀ օրևենասդրուէթյունը նախատեսում է կարգավորման եղանակներ․ այն է, ոչ թե արգելում է զբաղվել քաղաքականութէյամբ, այլ արգելու է դրանց համատեղումը։ Այս մասին այսօր՝ մայիսի 26-ին, ԱԺ-ում լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը՝ անդրադառնալով դիտարկմանը, որ իրենք միշտ նախկինում դեմ են եղել բիզնեսի եւ քաղաքականության համատեղումը, իսկ հիմա իրենց ցուցակում խոշոր գործարարներ են ընդգրկվել՝ Խաչատուր Սուքիասյան, Գուրգեն Արսենյան։
«Եթե կլինի մի իրավիճակ, երբ այդ համատեղման արգելքի սկզբունքը կխախտվի, ապա ոչ միայն գոյություն ունի ԱԺ էթիկայի հանձնաժողով, այլ նաեւ Կոռուպցիայի կանխարգելման հանձնաժողովը կձեռնարկի անհրաժեշտ գործողություններ, ընդհուպ մինչեւ մանդատից զրկելը»,-ասաց Մակունցը։
Հիշեցմանը, որ առաջ էլ կային գորևծարար պատգամավորներ, որոնք պնդում էին, որ իրենց բիզնեսը տվել են հավատարմագրային կառավարման, որ իրենց գործարարներ չեն, բայց այսօրվա իշխանությունը այն ժամանակ քննադատում էր նման գործելաոճը, Մակունցն ասաց․ «Տարբեր արատավոր երեւույթներ եղել են ՀՀ-ում եւ եղել են նման երեւույթներ այդ թվում քաղաքական կամքի բացակայության պատճառով, կամ ինչ-ինչ կոռուպցիոն նպատակներով։ Եթե որեւ՝է բան արգելված չէ, օրենքը նաեւ նախատեսում է կարգավորման եղանակները եւ բոլորը հավասար են այդ առումով, ես որեւէ կերպ օրենքից դուրս ես չեմ կարող»։
Նա նաեւ հավելեց, որ բիզնեսը քաղաքականությունից պետք է տարանջատված լինի․ «Այո, մենք պնդում ենք, որ այն անձինք, որոնք հայտ են ներկայացնում քաղաքականության, չեն կարող դրանք համատեղել»։
Հետևեք մեզ Facebook-ում