Հայտնի է «Պատիվ ունեմ» դաշինքի առաջին տասնյակը

Առաջիկա արտահերթ ընտրություններին ՀՀԿ-ն ու Արթուր Վանեցյանի՝ «Հայրենիք» կուսակցությունները կմասնակցեն մեկ դաշինքով:

Դաշինքը գլխավորում է «Հայրենիք» կուսակցության առաջնորդ Արթուր Վանեցյանը, երկրորդը  Երևանի նախկին քաղաքապետ, ՀՀԿ-ական Տարոն Մարգարյանն է, եռյակը եզրափակում է ՀՀԿ անդամ, Առաջինը՝Հայաստան նախաձեռնության համահիմնադիր Աննա Մկրտչյանը: 

Դաշինքում չորրորդը Իշխան Զաքարյանն է, հինգերորդը՝ ՀՀԿ երիտթևի ղեկավար Հայկ Մամիջանյանը: Հատկանշական է, որ դաշինքում վեցերորդը նախկին Իմքայլական Թագուհի Թովմասյանն է, ում՝ ցուցակում հայտնվելը մեծ աղմուկ է բարձրացրել: Նշենք, որ Թագուհի Թովմասյանը երկար տարիներ եղել է ընդդիմադիր մամուլի լրագրող-գլխավոր խմբագիր, ով սուր քննադատության է արժանացրել Հանրապետական կուսակցությանը: Այդուհանդերձ, Թագուհի Թովմասյանին այս փուլում հաջողվել է համոզել Արթուր Վանեցյանին և «Պատիվ ունեմ» դաշինքի ցուցակում լինել:

Ցուցակում 7-րդը ՀՀԿ-ից քաղաքագետ Տիգրան Աբրահամյանը, 8-րդը՝ Արսեն Բաբայանը «Հայրենիք» կուսակցությունից, 9-րդը՝ նախկին դատավոր Կարինե Պետրոսյանը, իսկ տասնյակը կեզրափակի Արման Սահակյանը:

Դաշինքի երկրորդ տասնյակում են ՀՀԿ-ական Միհրան Պողոսյանը (Քեթրինի Միհրանը), Արկադի Համբարձումյանի՝ Դերժավայի Արկադիի ու ՀՀԿ-ական Ռաֆիկ Գրիգորյանի որդիները: