Հայաստանը պաշտոնապես դիմելու է ՀԱՊԿ–ին. Սյունիքում պայթունավտանգ վիճակ է. Փաշինյան. Տեսանյութ

Հայաստանը պաշտոնապես դիմելու է ՀԱՊԿ–ին։

«Ստեղծված իրավիճակը լիարժեք համապատասխանում է ՀԱՊԿ 2–րդ հոդվածի 2–րդ պարբերությանը, համաձայն որի՝ մեկ կամ մի քանի մասնակից պետությունների անվտանգությանը, տարածքային ամբողջականությանը, ինքնիշխանությանը սպառնացող վտանգի, կամ միջազգային խաղաղությանն ու անվտանգությանը սպառնացող վտանգի դեպքում մասնակից պետությունները անմիջապես կակտիվացնեն համատեղ խորհրդակցությունների մեխանիզմը, իրենց դիրքորոշումները համակարգելու և ծագած սպառնալիքը վերացնելու նպատակով միջոցներ ձեռք առնելու համար»,– այս մասին այսօր՝ մայիսի 13–ին, ԱԽ հրավիրված նիստում  հայտարարել է վարչապետի պաշտոնակատար Նիկոլ Փաշինյանը։

Ելնելով սրանից, վարչապետի պաշտոնակատար Նիկոլ Փաշինյանը Արտաքին գործերի նախարար Արա Այվազյանին և Պաշտպանության նախարարի պաշտոնակատարին, Ախ քարտուղարին հանձնարարել է, որ միջոցներ ձեռնարկեն և դիմեն Հավաքական անվտանգության պայմանագրի 2–րդ հոդվածով նախատեսված խորհրդակցությունների ուղղությամբ։