«Պետական գաղտնիք». մինչեւ հանձնաժողովը ավարտի իր աշխատանքը եւ արդյունքները ներկայացնի հանրությանը` Անդրանիկ Քոչարյանը չգիտե՞ր, որ պետական գաղտնիքի հետ է առնչվում

Քիչ առաջ այդ զեկույցը ներկայացվեց ԱԺ փակ նիստում, որից հետո լրագրողների հետ հանդիպման ժամանակ Քոչարյանը փորձում էր համոզել, որ պետական գաղտնիքի հետ առնչություն ունեցող թեմա է, այդ իսկ պատճառով որոշում է կայացվել ԱԺ փակ ֆորմատով ներկայացնել զեկույցը։

 

Այստեղ տրամաբանական հարց է առաջանում։

 

Երկրի պաշտպանության եւ անվտանգության համար պատասխանատու կարեւորագույն հանձնաժողովի ղեկավարը, ով ժամանակին ցանկացած առիթ, ամբիոն եւ լրատվամիջոց օգտագործում էր խոսել հանձնաժողովի աշխատանքների մասին, եւ հորդորում էր սպասել, մինչեւ հանձնաժողովը ավարտի իր աշխատանքը եւ արդյունքները ներկայացնի հանրությանը` չգիտե՞ր, որ պետական գաղտնիքի հետ է առնչվում, իսկ եթե գիտեր, ինչու՞ էր ամեն ամեն առիթ օգտագործում եւ ականջահաճո, միտինգային տրամաբանության մեջ հայտարարություններ անում վերջին երկու տարվա ընթացքում։

Կարծում եմ պատասխանը առավել քան պարզ է։