Սահմանը բացելու ի՞նչ անհրաժեշտություն կա. Դա բացասական ազդեցություն կունենա. Առուշ Առուշանյան. Տեսանյութ

Շինծու գործեր են, որոնք հերթական անգամ կազմակերպել են այս շոումենները։ Լրագրողների հետ զրույցի ժամանակ այս մասին ասաց Գորիսի քաղաքապետ Առուշ Առուշանյանը։

«Իմ մասով քրեական գործեր դեռ վաղուց են եղել։ Անլուրջ եմ վերաբերում դրանց։ Շինծու գործերին ոչ մի ադեկվատ մարդ չի կարող լուրջ նայել»,-ասաց Առուշ Առուշանյանը։
Անդրադառնալով Գորիսի անվտանգային խնդիրներին՝ Գորիսի քաղաքապետը նկատեց՝ եթե գործող իշխանությունները ցեղասպանություն գործած թուրքերին թշնամի չեն համարում և եթե մեր պատմական հողերը մերը չեն համարում, իհարկե պետք է ասեն, որ Սյունիքն անվտանգ է. «Նրանց մեկ է, թե հայրենիքում ինչ է կատարվում։ Յուրաքանչյուր ընկալող մարդու համար այս պատկերը պարզ է։

Եթե մեր թշնամու հետ սահմանները բացենք, դա տնտեսական ոչ մի կոմպոնենտ չի ունենա բացի բացասական ազդեցությունից։ Տեսնում ենք՝ Վրաստանում ինչ է տեղի ունեցել, որ նրանք մեծ գումարներով հողեր են գնել։ Համոզված եմ, որ նրանց ընկերությունները կգան և շատ ցածր գներով կշահեն մեր տենդերները։ Միանշանակ մեր ազգաբնակչության համար լավ չի լինելու։ Սահմանը բացելու ի՞նչ անհրաժեշտություն կա։ Այսօր խնդիր կա՞ գնալ թշնամու տարածք և հետ գալ»,-ասաց Առուշ Առուշանյանը։