Շուշան Սարդարյանը կլինի և ԱԺ-ում, և կառավարությունում

«Հայկական ժամանակ»-ը գրում է.««Դեռ ժամանակը չի, կխոսենք այդ մասին»,- armtimes.com-ի հետ զրույցում պատգամա­վորական մանդատը ստանալուց առաջ ասաց Ազգային ժողովի ՀՀԿ-ական պատ­գամավոր Շուշան Սարդարյանը՝ պատաս­խանելով այն հարցին, թե արդյոք ազատ­վե՞լ է վարչապետ Կարեն Կարապետյանի խորհրդականի պաշտոնից:

Շուշան Սարդարյանը Կարեն Կարա­պետյանի վարչապետ նշանակվելուց հե­տո «Գազպրոմ Արմենիա» ընկերության մամուլի քարտուղարի պաշտոնից տեղա­փոխվեց կառավարություն որպես վարչապետի խորհրդական: Նրա գործառույթն իրականում զանգվածային լրատվության միջոցների ներկայացուցիչների հետ կապ ապահովելն էր: 2017 թվականի ապրիլի 2- ին կայացած խորհրդարանական ընտրու­թյուններից հետո Շուշան Սարդարյանը ՀՀԿ-ի համապետական ցուցակով ընտր­վեց Աժ պատգամավոր:

Կառավարության պաշտոնական կայ­քում վարչապետի հիմնական խորհրդա­կանների ցանկում Շուշան Սարդարյանի անունը բացակայում է, քանի որ նա հան­դիսանում է վարչապետի խորհրդական՝ հասարակական հիմունքներով: Սա այն լուծումն է, որը հնարավորություն է տալիս Շուշան Սարդարյանին լինել և Աժ-ում, և կառավարությունում»,-գրում է թերթը:

Մանրամասները՝  թերթի այսօրվա համարում: