Մոսկովյան մետրոյում ինքնասպան է եղել Բաղդասարովը. Լուսանկար

Մոսկվայի «Դմիտրովսկայա» մետրոյի կայարանում մարտի 21-ին ինքնասպանություն է կատարել գործարարա, «Ալսիկո» արդյունաբերական խմբի հիմնադրի ու տնօրենների խորհրդի նախագահ Վալերի Բաղդասարովը:

Ինչպես հաղորդում է Rusnext.ru-ն, 72-ամյա գործարարն ընկել է ռելսերի վրա: Կայարանի աշխատակիցները նկատել են կատարվածը և շտապել օգնության, սակայն չեն հասցրել: Այդ պահին գնացքը մեծ արագությամբ հասնելիս է եղել կայարան, ու չնայած վարորդը փորձել է արտակարգ արգելակում կիրառել, սակայն գնացքի արագությունը, ավաղ, չափազանց մեծ է եղել: Երբ 72-ամյա տղամարդուն դուրս են հանել գնացքի տակից, նա արդեն մահացած է եղել։ Նրա մոտ գրություն է հայտնաբերվել, որի բովանդակությունը չի հաղորդվում:   

«Երբ արտակարգ ծառայություններին հաջողվել է գնացքի տակ մտնել, նրանք հայտնաբերել են  72-ամյա գործարար Վալերի Բաղդասարովի դին։ Տղամարդու գլուխը գնացքի անիվների տակ բառացիորեն կտրվել է»,–հայտնել է աղբյուրը իրավապահ մարմիններում «Комсомольская правда»-ին։

Թե ինչու է գործարարը մետրո մտել ու ինչ հանգամանքներում է իջել ռելսերի վրա, կպարզի հետաքննությունը:

Zham.am